- الإعلانات -

یو ایس اوپن کے سیمی فائنل میں سرینا کو شکست

نیویارک میں جاری یو ایس اوپن ٹینس مقابلوں میں جمہوریہ چیک کی کیرولینا پلسکوا نے امریکی ٹینس سٹار سرینا ولیمز کو شکست دے کر اس گرینڈ سلام مقابلے میں ان کا سفر تمام کر دیا ہے۔

کیرولینا پلسکوا نے سیمی فائنل میچ میں سرینا کو سٹریٹ سیٹس میں چھ دو اور سات چھ کے سکور سے شکست دی۔

34 سالہ عالمی نمبر ایک کھلاڑی سرینا پرامید تھیں کہ وہ یو ایس اوپن میں فتح کے ساتھ کریئر میں 23 واں گرینڈ سلام مقابلہ جیت کر ایک نیا عالمی ریکارڈ قائم کریں گی لیکن ایسا نہیں ہو پایا۔

اس وقت وہ سب سے زیادہ گرینڈ سلام جیتنے کے اعزاز میں جرمنی کی سابق ٹینس کھلاڑی سٹیفی گراف کے برابر ہیں جنھوں نے 22 مقابلے جیتے تھے۔