- الإعلانات -

کیون پیٹرسن نے پاکستان سپر لیگ میں شمولیت کا فیصلہ کر لیا.

پاکستان سپر لیگ(پی ایس ایل) میں حصہ لینے والے نامور کھلاڑیوں کی فہرست میں انگلینڈ کرکٹ ٹیم کے سابق بلے باز کیون پیٹرسن کی شکل میں ایک اور بڑا نام شامل ہو گیا ہے۔لاہور میں لیگ کے لوگو کی شاندار تقریب رونمائی میں پی سی بی کی جانب سے دی گئی کھلاڑیوں کی فہرست میں پیٹرسن کی شمولیت قابل ذکرتھی۔تقریب کے دوران پیٹرسن کا ویڈیو پیغام دیکھاگیا جس میں ان کا کہناتھاکہ” میں فروری میں ہونے والے پاکستانی میلے کا حصہ بننے پر بہت خوش ہوں، اور مجھے بے تابی سے اس کے آغاز کا انتظار ہے۔انہوں نے کہا کہ ایسا لگ رہا ہے کہ یہ ایک زبردست اور شاندار مقابلہ ثابت ہو گا۔ روایتی ٹی ٹوئنٹی کی طرح بہت سارا مزہ، چھکے اور وکٹیں، میں اس بڑے ٹورنامنٹ کا حصہ بننے پر پرجوش ہوں۔پی ایس ایل فرنچائز طرز کا ٹی ٹوئنٹی ٹورنامنٹ ہے جو چار سے 24 فروری 2016 کو کھیلا جائے گا جس میں ممکنہ طور پر صوبائی سطح کی پانچ ٹیمیں اسلام آباد، کراچی، لاہور، پشاور اور کوئٹہ شامل ہوں گی۔ٹورنامنٹ میں بڑے کھلاڑیوں کی شرکت کے حوالے سے سوالیہ نشان لگنے کی وجہ سے اسے دو مرتبہ ملتوی کیا گیا لیکن نامور بین الاقوامی کھلاڑیوں کرس گیل، اینجیلو میتھیوز، لاستھ ملنگا، ڈیوین براوو اور کئی دوسرے کھلاڑیوں اور اسٹار کیجانب سے شمولیت کی یقین دہانی کے بعد پی سی بی نے لیگ کے انعقاد کا باقاعدہ فیصلہ کیا۔کھلاڑیوں سے لیگ میں شمولیت کے لیے انفرادی طورپر دستخطوں کا سلسلہ بعد میں شروع ہو گا۔تاہم پی سی بی کو ابھی لیگ کے انعقاد کی جگہ کا تعین کرناہے جہاں ماسٹر چمپینز لیگ میں ردوبدل کے بعد اب ٹورنامنٹ کے دوبارہ متحدہ عرب امارات میں انعقاد کا کی راہ ہموار ہو گئی ہے۔پی سی بی کے پاس ٹورنامنٹ کو قطرمیں منعقد کروانے کا بھی موقع ہے لیکن مالی فوائد کے پیش نظر بورڈ متحدہ عرب امارات میں انعقاد کو ترجیح دے رہاہے جہاں پاکستان 2010 سے اپنے بین الاقوامی میچ کھیل رہاہے۔