- الإعلانات -

آئی سی سی نے ٹیسٹ کرکٹ کھیلنے والے کھلاڑیوں کی تازہ رینکنگ جاری کردی

دبئی : آئی سی سی نےٹیسٹ کرکٹ کھیلنے والے کھلاڑیوں کی تازہ رینکنگ جاری کردی ہے ، یونس خان اور یاسر شاہ کی تنزلی ہوگئی جب کہ وہاب ریاض ترقی پاکر 24 ویں نمبر پر آگئے۔

تفصیلات کے مطابق نئی رینکنگ میں بھارت کے ایشون بولنگ اور آسٹریلیا کے اسٹیون اسمتھ بیٹنگ میں بدستور پہلے نمبر پر فائز ہیں۔پاکستان کے یونس خان تین درجے تنزلی کے بعد دوسرے سے پانچویں نمبر پر پہنچ گئے ہیں۔

مصباح الحق کی دسویں اوراظہر علی کی 12ویں پوزیشن برقرار ہے۔ شارجہ ٹیسٹ میں پئیر کاشکار اسد شفیق 13 ویں سے 17 ویں نمبر پر پہنچ گئے ہیں۔

بولنگ میں یاسر شاہ پانچویں سے چھٹے نمبر پر آگئے ہیں وہ ٹاپ ٹین میں واحد پاکستانی بولر ہیں،تیسرے ٹیسٹ میں پانچ وکٹوں کا انعام وہاب ریاض کوفورا مل گیا وہ 24 ویں نمبر پر آگئے ہیں راحت علی 32ویں، زوالفقار بابر 35ویں،عمران خان 46 ویں اور سہیل خان 48ویں نمبر پر براجمان ہیں

ٹیم رینکنگ میں بھارت پہلے،پاکستان دوسرے اور آسٹریلیا کی تیسری پوزیشن ہے۔