- الإعلانات -

پاکستان کیخلاف ٹیسٹ سیریز کیلئے کیویز ٹیم کا اعلان، مارٹن گپٹل باہر

لاہور:کیویز نے ٹیسٹ سیریز میں شاہینوں کا مقابلہ کرنے کیلئے ٹیم میں تین بھارتی نژاد کھلاڑیوں کو شامل کر لیا جبکہ مارٹن گپٹل کو ٹیم سے ڈراپ کر دیا گیا ہے۔

تفصیلات کے مطابق پاکستان کے خلاف ٹیسٹ سیریز کے لیے نیوزی لینڈ کی ٹیم کا اعلان کر دیا گیا ہے ، کیویز نے مارٹن گپٹل کو ٹیم سے باہر کرتے ہوئے تین بھارتی نژاد کھلاڑیوں کو ٹیم کا حصہ بنا لیا ہے۔

بلے بازوں کا مقابلہ کرنے کے لئے جیتن پٹیل ، اندبھیر سنگھ سوڈھی اور بائولروں کا سامنا کر نے کے لئے جیت راول میدان میں اتریں گے۔

پاکستانی بلے بازوں کا سحر توڑنے کے لئے بھارتی نژاد سپنرز جیتن پٹیل اور اندبھیر سنگھ سوڈھی میدان میں اتریں گے جبکہ عامر اور یاسر شاہ کا مقابلہ کرنے کے لئے بھی بھارتی نژاد جیت راول کو اوپنر بھیجا جائے گا۔

پاکستان اور نیوزی لینڈ کے درمیان پہلا ٹیسٹ 17 نومبر کو کرائسٹ چرچ میں کھیلا جائے گا جبکہ دوسرا ٹیسٹ ہیملٹن میں ہوگا۔

پہلا وارم اپ تین روزہ میچ نیوزی لینڈ کی اے ٹیم کے ساتھ کل جمعہ کو نیلسن گرائونڈ میں کھیلا جائے گا ، قومی ٹیم کی بھر پور تیاریاں جاری ہیں ، نیلسن کا موسم خوشگوار ہے جس کا ٹیم نے بھرپور فائدہ اٹھاتے ہوئے صبح کے سیشن میں تین گھنٹے تک ٹریننگ کی ہے۔

ٹیم مینجمنٹ کے مطابق تمام کھلاڑی فٹ ہیں ، موسم اور کنڈیشنز سے ہم آہنگ ہونے کی کوشش کر رہے ہیں۔