- الإعلانات -

شعیب اختر نے پاکستان سپرلیگ کی فرنچائز خریدنے کا اعلان کردیا.

لاہور: سابق فاسٹ باﺅلرشعیب اختر نے پاکستان سپرلیگ کی فرنچائز خریدنے کا اعلان کردیا ہے۔ سابق سپیڈسٹار کا کہنا ہے کہ اپنی ٹیم میں محمد عامر کو بھی خرید کر اسے دوبارہ کامیاب باﺅلر بنانے کی خواہش ہے جبکہ یونس خان کو وقت سے پہلے ریٹائرمنٹ کا اعلان کردینا چاہئے۔ قذافی سٹیڈیم میں پاکستان سپرلیگ کے سربراہ نجم سیٹھی سے ملاقات کرنے کے بعد میڈیا سے گفتگو کرتے ہوئے شعیب اختر نے کہاکہ پی ایس ایل کرکٹ بورڈ کی نہیں پورے ملک کی لیگ ہے۔ سپرلیگ سے پاکستان کرکٹ میں نئی روح جائے گی۔ سپیڈسٹار نے کہاکہ وہ اپنے آئی ٹی کمپنی پارٹنرز کے ساتھ ملکر پاکستان سپرلیگ کی ایک ٹیم خریدیں گے اور پی ایس ایل فرنچائز حاصل کرنے کیلئے بولی دینے کیلئے تیار یاں کررہے ہیں۔ شعیب اختر نے کہاکہ میچ فکسنگ میں سزا یافتہ سلمان بٹ ، محمد عامر اور محمد آصف کے ساتھ ایک جیسا برتاﺅ کرنا چاہئے ، ان کی خواہش ہے کہ اپنی ٹیم میں محمد عامر کو خرید کر نئے سرے سے تیار کریں۔ شعیب اختر نے کہاکہ وہ گراس روٹ پر کرکٹ کے فروغ کیلئے روالپنڈی ریجن کی ٹیم کی آنر شپ خریدنے کیلئے بھی تیار ہیں۔ سپیڈ سٹاریونس خان کو مشورہ دیا کہ وہ وقت سے پہلے ریٹائرمنٹ کا اعلان کردیں کیونکہ عموماً مڈل آرڈر بلے باز روتے ہوئے ریٹائرمنٹ لیتے ہیں