- الإعلانات -

100سے زائد انٹرنیشنل کھلاڑیوں کی پی ایس ایل کھیلنے کی تصدیق.

لاہور : پاکستان کرکٹ بورڈ کی گورننگ باڈی کے چیئر مین نجم سیٹھی نے شائقین کرکٹ کو خوشخبری دیتے ہوئے کہا ہے کہ پی ایس ایل کرئبین سپر لیگ اوربگ بیش سے بڑی لیگ ہو گی۔انٹرنیشنل کھلاڑی بھر پور طریقے سے پی ایس ایل کھیلنے کے لیے رضا مند ہوچکے ہیں ۔ نجم سیٹھی نے کہا ہے کہ پاکستان سپر لیگ آئی پی ایل کے بعد دوسری بڑی لیگ ہو گی اور اس سے کوپی سی بی اپنے پاؤں پر کھڑے ہونے کی مدد ملے گی۔نجی ٹی وی کے مطابق ان کا کہنا تھا کہ پی ایس ایل کے لیے 150انٹرنیشنل کھلاڑیوں سے رابطہ کیا گیا ہے جن میں سے 100سے زائد کھلاڑیوں نے تصدیق کی ہے۔انہو ں نے مزید کہا کہ ہر پی ایس ایل ٹیم میں دو ایمرجنگ کھلاڑی ہو نگے جنہیں انٹرنیشنل میچ کھیلنے سے پہلے ہی بین الاقوامی کھلاڑیوں سے کھیلنے کا موقع ملے گا۔