- الإعلانات -

یاسر شاہ دبئی ٹیسٹ میں شرکت کیلئے فٹ ہو گئے.

ابوظہبی: پہلت ٹیسٹ میچ میں انگلش بلے بازوں کے سامنے بے بس پاکستانی ٹیم کو دوسرے ٹیسٹ سے قبل خوشخبری مل گئی ہے جہاں یاسر شاہ دبئی ٹیسٹ میں شرکت کیلئے فٹ ہو گئے جبکہ پاکستان نے اگلے ٹیسٹ کیلئے ایک خفیہ ہتھیار کے استعمال کا بھی عندیہ دیا ہے.پہلے ٹیسٹ میچ سے قبل کمر کی انجری کا شکار ہونے والے یاسر شاہ فٹ ہو گئے ہیں اور دوسرے ٹیسٹ میچ کیلئے دستیاب ہیں۔یاسر شاہ کی غیر موجودگی میں پاکستانی باؤلنگ انگلینڈ کے خلاف بالکل بے بس نظر آئی جبکہ ڈراپ کیچز نے رہی سہی کسر بھی پوری کردی اور قومی ٹیم تقریبآ دو دن کی مشقت کے بعد بھی مہمان ٹیم کو آؤٹ کرنے سے قاصر ہے.گزشتہ روز دن کے اختتام پر پریس کانفرنس سے خطاب کرتے ہوئے قومی ٹیم کے باؤلنگ کوچ مشتاق احمد نے کہا تھا کہ یاسر کے نہ ہونے سے باؤلنگ لائن کمزور ہوئی اور اس سے ذوالفقار بابر کی کارکردگی پر بھی اثر پڑا.پہلے میچ میں باؤلرز کی سلیکشن کے سلسلے میں مشکلات سے دوچار قومی ٹیم اب کسی قسم کا خطرہ مول لینے کو تیار نہیں اور کسی بھی باؤلر کے ان فٹ ہونے کے پیش نظر احتیاطاً اسکواڈ میں اضافی باؤلر کو طلب کیا جا رہا ہے۔ویزا مسائل کے سبب ظفر گوہر تو پہلے ٹیسٹ سے قبل ٹیم کو جوائن نہ کر سکے لیکن قومی ٹیم کے منیجر انتخاب عالم نے قومی ٹیم کے اسکواڈ میں حیران کن اضافے کی بھی پیشگوئی کر دی پہلے ٹیسٹ میچ کے آغاز سے قبل کپتان مصباح الحق نے زخمی یاسر شاہ کا متبادل اسپنر دستیاب نہ ہونے پر برہمی کا اظہار کیا تھا۔انتخاب عالم نے کہا کہ ہم ابھی کچھ بتانا نہیں چاہتے لیکن ہمارے کچھ منصوبے ہیں۔قومی ٹیم کے منیجر کے اس بیان کے ساتھ ہی اسکواڈ میں شمولیت کے حوالے سے دو نام ذہن میں آتے ہیں،سعید اجمل اور نوجوان بلال آصف۔بلال آصف کا ایکشن مشکوک رپورٹ ہو چکا ہے اور ان کے باؤلنگ ایکشن کا ٹیسٹ 19 اکتوبر کو آئی سی سی سے منظور شدہ چنئی کی لیبارٹری میں ہو گا لیکن وہ 22 اکتوبر سے شروع ہونے والے دوسرے ٹیسٹ میچ سے قبل ٹیم کو جوائن کر سکیں گے اور رہورٹ آنے تک باؤلنگ کر سکتے ہیں۔دوسری جانب پاکستان ایک بار پھر سعید اجمل کو طلب کر سکتا ہے جو باؤلنگ ایکشن میں تبدیلی کے ساتھ ہی افادیت کھو چکیں لیکن اجمل نے بذات خود اس بات کی تردید کر دی ہے۔اجمل نے کہا کہ میں تصدیق کرتا ہوں کہ بورڈ نے میرے پاسپورٹ کے بارے میں نہیں پوچھا لیکن مجھے یقین ہے کہ موجودہ صورتحال میں وہ میرے بارے میں سوچ رہے ہوں گے۔لیکن انتخاب عالم کے اس بیان سے ایسا محسوس ہوتا ہے کہ پاکستان بلال آصف کو اگلے میچ میں موقع دے گا۔