- الإعلانات -

پاکستان نے انگلینڈ کو شکست دے کر سیریز اپنے نام کرلی

Pakistan-cricket

شارجہ: پاکستان نے شارجہ ٹیسٹ میں انگلینڈ کو 127 رنز سے ہرا کر 3 میچوں کی سیریز 0-2 سے اپنے نام کرلی ۔

شارجہ کرکٹ اسٹیڈیم میں کھیلے گئے میچ میں انگلینڈ کو جیت کے لئے 284 رنز کا ہدف ملا جس کے تعاقب میں مہمان ٹیم 156 رنز پر ہی ڈھیر ہوگئی۔ پاکستان کی جانب سے اسپنرز نے شاندار بولنگ کا مظاہرہ کیا اور کوئی انگلش بلے باز پراعتماد انداز میں مزاحمت نہ کرسکا اور وقفے وقفے سے وکٹیں گرتی چلی گئیں۔ یاسر شاہ نے 4، شعیب ملک 3، ذوالفقار بابر 2 اور راحت علی نے ایک وکٹ حاصل کی۔ میچ میں بہترین کارکردگی پیش کرنے پر محمد حفیظ کو مین آف دی میچ اور سیریز میں بولنگ کے شعبے میں نمایاں کارکردگی دکھانے پر یاسر شاہ کو مین آف دی سیریز کے اعزاز سے نوازا گیا۔