- الإعلانات -

وقار یونس کا ریکارڈروی چندرن ایشون نے توڑ ڈالا

ناگپور:روی چندرن ایشون کیلنڈر ایئر میں ٹیسٹ میچ میں پانچ مرتبہ اننگز میں پانچ یا زائد وکٹیں لینے والے ساتویں بھارتی بولر بن گئے ، انہوں نے ایشیائی سرزمین پر ابتدائی 22میچز میں پاکستانی فاسٹ بولر وقار یونس کی زیادہ وکٹوں کا ریکارڈ بھی توڑ ڈالا۔ ایشون نے جنوبی افریقا کے خلاف تیسرے ٹیسٹ کی پہلی اننگز میں 5کھلاڑیوں کو آوٹ کر کے یہ سنگ میل عبور کیا۔ کپل دیو اور ہربھجن سنگھ کو دو، دو بار ایک برس کے دوران یہ کارنامہ انجام دینے کا اعزاز حاصل ہے۔ وقار یونس نے ایشیائی سرزمین پر ابتدائی 22ٹیسٹ میچز میں 130 وکٹیں حاصل کی تھیں۔ ناگپور میں جنوبی افریقا کے خلاف جاری تیسرے ٹیسٹ کی پہلی اننگز میں ایشون نے تباہ کن بولنگ کا مظاہرہ کیا ، انہوں نے 5 وکٹیں حاصل کیں۔ یہ رواں برس پانچواں موقع ہے کہ ایشون نے اننگز میں پانچ یا زائد کھلاڑیوں کو آوٹ کیا جب کہ وہ ایشیائی سرزمین پر پہلے 22ٹیسٹ میچز میں 14بار اننگز میں پانچ یا زائد وکٹیں لے چکے ہیں۔
a