- الإعلانات -

پاکستان کو وائٹ واش کی کوشش کرینگے، جیمز وینس

دبئی: نئے انگلش بلے باز جیمز وینس کو امید ہے کہ ان کی ٹیم پیر کو شارجہ میں پاکستان کے خلاف تیسرا اور آخری ٹی ٹوئنٹی میچ جیت کر سیریز میں کلین سوئپ کرے گی۔پراعتماد24 سالہ وینس نے اپنے ڈیبیو پر 41 اور پھر دوسرے میچ میں 38 رنز بنا کر انگلینڈ کو سیریز میں 0-2 کی فیصلہ کن برتری دلانے میں اپنا کردار ادا کیاتھا۔وینس نے عزم ظاہر کیا کہ انگلینڈ ریلکس نہیں کرے گی اور سیریز 0-3 سے اپنے نام کرنے کی بھرپور کوشش کرے گی۔’یہاں آنا اور 0-3 سے جیتنا بڑی کامیابی ہو گی اور ہم یہی کرنے کی کوشش کریں گے‘۔وینس نے بتایا کہ وہ ٹی ٹوئنٹی میں پہلا موقع ملنے سے لطف اندوز ہوئے۔’مجھے پچھلے سیزن میں سکواڈ میں جگہ ملی تھی لیکن کھیلنے کا موقع نہ مل سکا، لہذا یہاں کھیلنے کا موقع ملنے پر میں خوش ہوں‘۔وینس نے اگلے مہینے یواے ای میں پاکستان اے اور انگلینڈ لائنز کے درمیان سیریز کے حوالے سے بتایا کہ وہ سیریز کھیلنے کیلئے مزید یہاں تین سے چار مہینے ٹھہریں گے۔’یہ ایک اور مشکل سیریز ہو گی۔مجھے لائنز کی کپتانی کا موقع ملا ہے، لہذا یہ ایک اور اچھا تجربہ ہو گا‘۔وینس نے تسلیم کیا کہ جمعرات کو ڈیبیو ٹی ٹوئنٹی کھیلتے ہوئے وہ بہت نروس تھے۔’مجھے تمام فارمیٹس کھیلنا پسند ہے۔ مجھے ٹی ٹوئنٹی کھیلنے کا موقع ملا ہے، امید ہے کہ مستقبل میں ون ڈے اور ٹیسٹ بھی کھیل سکوں گا‘۔