- الإعلانات -

عامر ، آصف اور سلمان کو ابھی ٹیم میں شامل کرنے کا وقت نہیں آیا

سلمان بٹ ،محمدعامر اورمحمدآصف کی امیدوں پرپانی پھرگیا۔پاکستان کرکٹ بورڈکے چیرمین شہریارخان نے کہاہے کہ محمد عامر کو پاکستان کی اے ٹیم میں شامل کیاجائے گااورفاسٹ بالر سے ملاقات کرکے اسے سمجھائیں گے ،محمد عامر کا رویہ درست رہا تو انہیں فروری سے کھلایا جائے گا ، پاک بھارت سیریز اگر ہوتی ہے تو بھی عامر کی ٹیم میں شمولیت کاامکان نہیں ہے ،عامر ، آصف اور سلمان کو ابھی ٹیم میں شامل کرنے کا وقت نہیں آیا ، محمد عامر کو سمجھانے کی ضرورت نہیں ، انہیں رویہ مزید بہتر بنانا ہوگا ،عامر کی کارکردگی اچھی ہے مگر رویہ کیسا ہوناچاہیے یہ سمجھنا ہوگا ، سلمان اور آصف کو اجازت فروری میں ری ہیبلی ٹیشن ختم ہونے کے بعد ملے گی ، سلمان بٹ اور محمد آصف ابھی فرسٹ کلا س نہیں کھیل سکتے۔