- الإعلانات -

یاسر شاہ ڈسپیوٹ ریزولیوشن کونسل کے رکن منتخب

لیگ اسپن بالر یاسر شاہ اپنے آبائی علاقے صوابی کی ڈسپیوٹ ریزولیوشن کونسل کے رکن منتخب ہو گئے ہیں اور اپنی نئی ذمہ داریاں سنبھالنے کے بعد وہ نہ صرف ڈسٹرکٹ صوابی میں امن و امان کی صورت حال پر نگاہ رکھیں گے بلکہ تنازعات نمٹانے میں بھی اپنا کردار ادا کریں گے۔ انتیس سالہ پاکستانی کھلاڑی نے اس عزم کا اظہار کیا ہے کہ وہ اپنا قیمتی وقت دے کر علاقے میں حریفوں کے درمیان مختلف تنازعات کا حل نکالتے ہوئے امن قائم کرنے کی کوشش کریں گے۔پولیس حکام کا بھی کہنا ہے کہ انہوں نے قومی کھلاڑی میں اپنا کردار نبھانے کا بھرپور جذبہ محسوس کیا ہے۔