- الإعلانات -

پاکستانی کرکٹ شائقین کے لئے خوشخبری

اسلام آباد: پاکستانی شائقین کرکٹ کیلئے خوشی کی بڑی خبر،ایک اوردھماکہ خیزانٹری،پاکستان ٹیلی ویژن کے ایم ڈی محمد مالک نے کہا ہے کہ پی ٹی وی جلد ہی ایک اور سپورٹس چینل شروع کرے گا۔شائقین کی امنگوں کو مدنظر رکھتے ہوئے یہ فیصلہ کیا گیا ہے۔ نیا چینل ہر لحاظ سے منفرد اور الیکٹرانک میڈیا کی دنیا میں خوشنما اضافہ ثابت ہو گا۔ایم ڈی پی ٹی وی نے کرکٹ رائٹس حاصل کرنے پرپاکستانی قوم اور پی ٹی وی ملازمین کو مبارکباد دی ہے۔انہوں نے کہا ہے کہ پی ٹی وی ایک قومی چینل ہے جس نے اپنے بل بوتے پرنشریاتی حقوق حاصل کیے ہیں۔انہوں نے کہا کہ اس حوالے سے ذرائع ابلاغ میں جو منفی پروپیگنڈہ کیا گیا ہے اس کا حقیقت سے کوئی تعلق نہیں۔محمد مالک نے بتایا کہ پی ٹی وی نے سنہ2016سے2019 تک آئی سی سی ٹی 20 ورلڈ کپ کے نشریاتی حقوق،آئی سی سی انڈر 19 ورلڈ کپ 2016،آئی سی سی ویمن ورلڈ کپ2017،آئی سی سی ٹی 20ورلڈ کپ 2016 کے میڈیا رائٹس بھی حاصل کیے ہیں۔انہوں نے بتایا کہ آئی سی سی چیمپیئن ٹرافی2017اور آئی س سی ویمن ٹی20ورلڈ کپ2018 بھی پی ٹی وی اپنے ناظرین کو براہ راست دکھائے گا۔آئی سی سی ورلڈ کپ2019 بھی پی ٹی وی نے اپنے ناظرین کے لیے پیش کرنے کا اہتمام کیا ہے۔محمد مالک نے کہا کہ پی ٹی وی ملک کا وہ واحد چینل ہے جس نے یہ نشریاتی حاصل کیے ہیں۔انہوں نے کہا دنیا بھر میں کھیلے جانے والے اہم میچ بھی پی ٹی وی اپنے ناظرین کے لیے پیش کرتا رہے گا۔