کھیل

شعیب ملک نے کپتانی کا خیال دل سے نکال دیا

لاہور: شعیب ملک نے کپتانی کا خیال دل سے نکال دیا، انھوں نے کہا کہ میں اس بارے میں نہیں سوچ رہا، تمام کھلاڑی شاہد آفریدی کی قیادت میں متحد اورورلڈ ٹی ٹوئنٹی جیت کرانھیں ریٹائرمنٹ پریادگارتحفہ دینا چاہتے ہیں۔

قذافی اسٹیڈیم لاہور میں میڈیا سے بات چیت کرتے ہوئے شعیب ملک نے واضح کیا کہ میں کپتانی کے بارے نہیں سوچتا، شاہد آفریدی کی کرکٹ میں بڑی خدمات ہیں، تمام کھلاڑی ان کی قیادت میں متحد اور ورلڈ ٹی ٹوئنٹی جیت کر انھیں ریٹائرمنٹ پر یادگار تحفہ دینا چاہتے ہیں۔

ٹینس اسٹارثانیہ مرزا قانون کے شکنجے میں جکڑی گئیں

حیدرآباد: بھارتی ٹینس اسٹار ثانیہ مرزا ڈرائیورنگ کے دوران قانون کے شکنجے میں جکڑ لی گئیں۔

بھارتی میڈیا رپورٹس کے مطابق ثانیہ مرزا اپنی لگژری گاڑی میں بھارتی شہر حیدرآباد میں شاپنگ کے لئے جارہی تھیں جنہیں راستے میں چیکنگ کے دوران ٹریفک اہلکار نے روکا اور غیرقانونی نمبرپلیٹ ہونے پر انہیں 200 روپے کا چالان تھما دیا، پولیس اہلکار نے ٹینس اسٹار کی ایک نہ سنی اور چالان دے کر ہی ان کی جان بخشی جس پر ثانیہ مرزا کو 200 روپے کا چالان جمع ہی کرانا پڑا۔

میڈیا میں خبر آنے کے بعد حیدرآباد ٹریفک پولیس نے موقف اپنایا کہ ثانیہ مرزا کی گاڑی پر لگی نمبر پلیٹ اس معیار پر پوری نہیں اترتی جو پولیس نے وضع کررکھا ہے جس کی وجہ سے ٹینس اسٹار کا چالان کیا گیا۔

پاکستانی ٹیم ذہنی طور پر مضبوط ہے ،اصل مقابلہ انگلینڈ سے ہے :وسیم اکرم

wasim

کراچی(مانیٹرنگ ڈیسک )قومی کرکٹ ٹیم کے سابق کپتان وسیم اکرم نے کہا ہے کہ پاکستان کرکٹ ٹیم ذہنی طور پر مضبوط ہو گئی ہے لیکن پاکستان کا اصل مقابلہ انگلینڈ کے ساتھ ہے۔سلیکٹرز کے لیے سینئر ز کو آرام دینا مشکل فیصلہ ہوتا ہے ۔سرفراز احمد بہترین کھلاڑی ہیں لیکن انہیں ڈراپ کیا جا سکتا ہے ۔میڈ یا سے گفتگو کرتے ہوئے ان کا کہنا تھا کہ نئی نسل کے لیے کھیل بہت ضروری ہے اور اب کبڈی ،فٹبال اور ہاکی پر بھی سخت توجہ دینے کی ضرورت ہے ۔

آئرلینڈ اور سکاٹ لینڈ پاکستان آنے کیلئے تیار ہیں :شہریار خان

Shehreyar

لاہور (مانیٹرنگ ڈیسک)چیئرمین پاکستان کرکٹ بورڈ شہریار خان نے کہاہے کہ زمبابوے کے بعد دیگر غیر ملکی ٹیمیں بھی پاکستان آنے کیلئے تیار ہیں ۔پریس کانفرنس سے خطاب کرتے ہوئے شہریار خان نے کہا کہ ہانگ کانگ ،عمان ،آئرلینڈ ،سکاٹ لینڈ کی ٹیمیں پاکستان آنے کیلئے تیار ہیں اور اگلے دو ہفتوں میں ٹیموں کا پاکستان آنے کا معاملہ واضح ہو جائے گا ۔انہوں نے کہا کہ پاکستان میں سیکیورٹی صورتحال بہتر ہے ،غیر ملکی ٹیمیں کراچی میں بھی کھیلنے کیلئے تیار ہیں لیکن ٹیمیں کراچی سے لاہورمیں کھیلنے پر خود کو زیادہ محفوظ سمجھتی ہیں ۔

ود ہولڈنگ ٹیکس کے خلا ف ملک کے مختلف شہر وں میں شٹر ڈاﺅن ہڑتال،فیصل آباد میں زبردستی دوکانیں بند کرانے پرجھگڑا

 

لاہور: ود ہولڈنگ ٹیکس کے خلاف ملک بھر کے بڑے شہروں مارکیٹیں بند رہیں ۔فیصل آباد میں تاجر برادری کی جانب سے زبر دستی دوکانیں بند کرانے پرجھگڑا بھی ہوا ۔ لاہور، کراچی ، راولپنڈی ، اسلام آباد میں بھی اہم مارکیٹیں بند رہیں۔ سندھ تاجر اتحاد نے ہڑتال کی حمایت کی اور کراچی الیکٹرونکس ڈیلرز ایسوسی ایشن نے دکانیں بند رکھیں بعض بڑی مارکیٹوں میں بھی جزوی طور پر ہڑتال کی گئی۔لاہور میں بھی تمام بڑی مارکیٹیں مکمل طور پر بند رہیں۔ بیڈن روڈ ، میکلوڈ روڈ ، سرکلر روڈ ، اکبری منڈی ، شاہ عالم مارکیٹ ، انار کلی ، ہال روڈ ، مال روڈ ، حفیظ سنٹر اور لبرٹی سمیت اکثر مارکیٹوں میں کاروبار نہ ہوالیکن اردو بازار کھلا رہا۔راولپنڈی کے اہم مراکز راجہ بازار ، بینک روڈ ، صدر کینٹ ، مری روڈ ، سٹیلائٹ ٹاون میں مکمل شٹرڈاون رہا جبکہ اسلام آباد کی آبپارہ ، جناح سپر ، کوہسار اور سپر مارکیٹ سمیت دیگر تجارتی مراکز جزوی طورپر بند رہے۔فیصل آباد میں تاجروں نے گھنٹہ گھر کے اطراف میں احتجاجی ریلی نکالی گئی اور دھرنا بھی دیا۔ کچہری بازار اور بھوانہ بازار میں چند دکانیں کھولی گئیں جنہیں مشتعل تاجروں نے زبردستی بند کرا دیا۔ ایک دکاندار پر تشدد بھی کیا گیا۔خیبرپختونخوا حکومت کی جانب سے تاجروں کی ہڑتال کی حمایت کے بعد پشاور سمیت صوبے بھر میں مکمل شٹ ڈاون رہا۔ کوئٹہ سمیت بلوچستان میں آج کی ہڑتال سے لاتعلقی اختیار کی گئی۔ تاجروں کے ایک اور دھڑے نے ود ہولڈنگ ٹیکس کے خلاف پانچ اگست کو ہڑتال کی کال دے ہوئی ہے۔

سرتاج عزیز اگست کے آخر میں نئی دہلی جائیں گے

نئی دہلی (مانیٹرنگ ڈیسک)پاکستان اور بھارت کے قومی سلامتی کے مشیروں کی اگست کے آخر میں ملاقات ہوگی جس میں دونوں ممالک کے درمیان بڑھتے ہوئے تنا زعات کو ختم کر نے کے حوالے سے بات چیت کی جائے گی ۔بھارتی میڈ یا کے مطابق پاکستان کے قومی سلامتی کے مشیر سرتاج عزیز 23اور 24اگست کو نئی دہلی جائیں گے جہاں وہ بھارتی قومی سلامتی کے مشیر سے ملاقات کریں گے ۔ پاکستان اور بھارت کے حکام اس ملاقات کے لیے وقت کا تعین کر رہے ہیں

پاکستان نے عمدہ پرفارمنس سے یقینی شکست کو جیت میں بدل لیا: لاستھ ملنگا

کولمبو (مانیٹرنگ ڈیسک) سری لنکن ٹی 20 ٹیم کے کپتان لاستھ ملنگا نے کہا ہے کہ ان کی ٹیم نے بھرپور کھیل پیش کیا تاہم پاکستان نے عمدہ پرفارمنس سے فتح حاصل کر لی۔
تفصیلات کے مطابق میچ کے بعد گفتگو کرتے ہوئے لاستھ ملنگا نے کہا کہ ان کی ٹیم نے بھرپور کھیل پیش کیا اور ٹیم میں شامل نئے لڑکوں نے عزم و ہمت کا مظاہرہ کرتے ہوئے میچ جیتنے کی سرتوڑ کوشش کی۔ ان کا کہنا تھا کہ بلے بازوں نے بہترین کارکردگی دکھاتے ہوئے پاکستان کو اچھا ہدف دیا تاہم پاکستانی بلے بازوں نے ناقابل یقین کارکردگی کے ساتھ اس میچ کو ”چھین“ لیا۔

Google Analytics Alternative