کھیل

نیل ویگنر کی 100میل کی رفتار سے گیند، انوکھی واجہ بیان کردی

کیوی فاسٹ بولر نیل ویگنر کی ہوبارٹ ٹیسٹ میں تقریباً 100 میل کی رفتار سے گیند کا سبب پرندے کو قرار دیا جانے لگا، انھوں نے جب سری لنکن بیٹسمین چندیمل کو یارکر کی تو گراونڈ میں نصب اسپیڈ گن میں 160 کلومیٹر سے زائد رفتار ریکارڈ ہوئی۔یہ گذشتہ دنوں آسٹریلوی پیسر مچل اسٹارک کی جانب سے 160.4 کلومیٹر سے قریب تر رہی، آفیشلز کو شبہ ہے کہ اسپیڈ گن پر آنے والی اس رفتار کا سبب نیچے پرواز کرنے والا پرندہ بنا، ویگنر عمومی طور پر 130 کلومیٹر فی گھنٹے کی رفتار سے گیندیں کراتے ہیں۔اسپیڈ گن آپریٹر نے بھی کہا کہ بولنگ کے وقت پرندے کے قریب سے گزرنے کی وجہ سے مشین کی ریڈنگ میں گڑبڑ ہوئی، ٹی وی پروڈکشن ٹیم نے کہا کہ گراو¿نڈ میں نصب 2 میں سے ایک مانیٹر کی ریڈنگ پرندے کے اڑنے کی وجہ سے متاثر ہوئی تھی

آسٹریلین باولرز کی تباہ کن باولنگ

ہو بارٹ ٹیسٹ تیسرے روز ہی ختم ، کالی آندھی کو کینگروز کے ہاتھوں ایک اننگز اور 212 رنز سے بدترین شکست، آسٹریلیا نے تین ٹیسٹ میچوں پر مشتمل سیریز میں ایک صفر کی برتری حاصل کر لی ہے۔پہلی اننگز میں فالو آن کے بعد ویسٹ انڈیز کی پوری ٹیم دوسری اننگز میں 36.3 اوورز میں صرف 148 رنز پر ڈھیر ہو گئی، دوسری اننگز میں کریگ براتھ ویٹ نے 13 چوکوں اور ایک چھکے کی مدد سے 94 رنز بنائے بقیہ کھلاڑیوں میں 6کھلاڑی ڈبل فیگر ہی کراس نہ کرسکے ، ایڈم ہوگس کو 269رنز کی شاندار اننگز کھیلنے پر میچ کا بہترین کھلاڑی قرار دیا گیا سیریز کادوسرا میچ 26دسمبر کو کھیلا جائے گا۔ ویسٹ انڈیز کی جانب سے براوو اور کیمار روچ نے تیسرے دن کے کھیل کا آغاز کیا تو اس کی آخری کار وکٹیں گزشتہ روز کے سکور میں صرف 16 رنز کا اضافہ کر سکیں اور پوری ٹیم 223 رنز بنا کر آو?ٹ ہو گئی براوو¿ 108رنز بنا کر آو¿ٹ ہوئے جبکہ آسٹریلیا کی جانب سے پہلی اننگز میں نیتھن لیون نے تین، ہیزل وڈ نے دو اور پیٹر سڈل نے ایک کھلاڑی کو آو?ٹ کیا۔ افالو آن کے بعد ویسٹ انڈیز کی جانب سے کریگ براتھ ویٹ اور راجندرا چندریکا نے دوسری اننگز کا آغاز کیا تو پہلی اننگز کی طری ویسٹ انڈیز کی دوسری اننگز کا آغاز اچھا نہ تھا اور صرف 30 رنز کے مجموعی سکور پر اس کی نصف ٹیم پویلین لوٹ گئی۔ مہمان ٹیم کے چھ بیٹسمینوں کا سکور دوہرے ہندسے تک نہ پہن سکا۔ویسٹ انڈیز کی جانب سے دوسری اننگز میں کریگ براتھ ویٹ نے 13 چوکوں اور ایک چھکے کی مدد سے 94 رنز بنائے ہولڈر 17اور ٹیلر 12رنز بنا سکے آسٹریلیا کی جانب سے دوسری اننگز میں پیٹنسن نے پانچ جبکہ ہیزل وڈ نے تین وکٹیں حاصل کیں۔ ایڈم ہوگز کو 269رنز کی شاندار اننگز کھیلنے پر میچ کا بہترین کھلاڑی قرار دیا گیا۔جمعرات کو شروع ہونے والے اس ٹیسٹ میچ میں آسٹریلیا نے ٹاس جیت کر پہلے بیٹنگ کرنے کا فیصلہ کیا تھا اور میچ کے دوسرے دن چار وکٹوں کے نقصان پر 583 رنز بنا کر اپنی پہلی اننگز ڈکلئیر کر دی تھی۔ ایڈم ہوگز 269رنز بنا کر ناٹ آو¿ٹ رہے جبکہ شین مارش 182رنز بنائے تھے۔

پاک بھارت کرکٹ سیریز ،بھارتی میڈیا کے من کی خواہش پوری

بھارتی میڈیا کی جانب سے بتایا گیا ہے کہ پاک بھارت کرکٹ سیریز کے امکانات ختم ہو گئے ہیں۔ تفصیلات کے مطابق بھارتی میڈیا کی جانب سے دعوی کیا گیا ہے کہ پاک بھارت کرکٹ سیریز کے امکانات ختم ہو گئے ہیں۔ بھارتی کرکٹ بورڈ کے ذرائع کی جانب سے بتایا گیا ہے کہ اب پاک بھارت کرکٹ سیریز کا انعقاد خارج از امکان ہے۔ تاہم اس حوالے سے باقائدہ اعلان کیا جانا باقی ہے۔

ہندوستان کے خلاف جیت کیلئے جنون کام آتاہے،اظہر علی

لاہور: پاکستان ون ڈے کرکٹ ٹیم کے کپتان اظہر علی نے کہا ہے کہ ہندوستان کے خلاف جیت سے زیادہ جنون کام کرتا ہے اگر پاک-انڈیا کرکٹ سیریز ہوئی تو روایتی حریف کو شکست دینے کی صلاحیت رکھتے ہیں جبکہ ورلڈ ٹی ٹوئنٹی میں قومی ٹیم سخت حریف ہونے کی رویت کو برقرار رکھے گی۔لاہور میں ویٹرنز کرکٹ ٹورنامنٹ کی افتتاحی تقریب میں شرکت کے بعد میڈیا سے گفتگو کرتے ہوئے اظہرعلی نے کہا کہ انگلینڈ کے خلاف سیریز میں قومی ٹیم کو شکست انجریز کے باعث ہوئی اور کچھ کھلاڑی فارم میں بھی نہیں تھے۔ان کا کہنا تھا کہ نئے کھلاڑیوں کے ساتھ ٹیم کو مضبوط بننے میں تھوڑا وقت لگے گا جبکہ جیت کے لیے بیٹنگ اور مشکل وقت میں نپی تلی باو¿لنگ پر کام کرنے کی ضرورت ہے۔اظہر علی نے کہا کہ ٹیم نےانگلینڈ کے خلاف سیریز میں اچھا نہیں کھیلا مگر ہندوستان کے خلاف جیت سے زیادہ جنون کام کرتا ہے، پاک-انڈیا کرکٹ سیریزہمیشہ سے ہی سنسنی خیز رہی ہے اگر سیریز ہوئی تو شائقین کرکٹ کو اچھا مقابلہ دیکھنے کو ملے گا۔انھوں نے امید ظاہر کی کہ قومی ٹیم ورلڈ ٹی ٹونٹی میں اچھی کارکردگی دیکھائے گی اور ٹیم کسی صورت ترنوالہ ثابت نہیں ہوگی اورسخت حریف ہونے کی روایت کو برقرار رکھے گی۔اظہر علی نے کہا کہ اگر ٹی ٹونٹی ٹیم میں کھیلنے کا موقع ملا تو کسی کی بھی کپتانی میں کھیلنے کو تیار ہوں۔واضح رہے اظہر علی کی قیادت میں پاکستان ون ڈے ٹیم کو انگلینڈ کے خلاف متحدہ عرب امارات میں 1-3 سے شکست ہوئی تھی جبکہ شاہد آفریدی کی قیادت میں ٹی ٹوئنٹی ٹیم بھی کو ئی فتح حاصل کرنے میں ناکام رہی تھی۔پاکستان اورہندوستان کے کرکٹ بورڈ کے درمیان گزشتہ سال طے پانے والے معاہدے کے تحت ہندوستان کی ٹیم کو رواں ماہ دسمبر میں پاکستان کا دورہ کرنا تھا اور سیریز متحدہ عرب امارات میں ہونا تھی لیکن ہندوستان کی جانب سے بار بار انکار کے بعد گزشتہ ماہ انگلینڈ کے جائلز کلارک کی ثالثی میں سری لنکا کو میزبانی کے لیے چنا گیا تھا تاہم ابھی تک سیریز کے انعقاد کے حوالے سے حتمی فیصلہ نہیں کیا جاسکا.

پاک بھارت سیریز کا اہم فیصلہ ہوگیا

پاک بھارت سیریز میں ثالث کا کردار ادا کرنے والے آئی سی سی کے جائلز کلارک نے دونوں ملکوں کو نئے معاہدے کرنے کا مشورہ دیاہے۔ جائلز کلارک کے مطابق نئے معاہدے کی خلاف ورزی کرنیوالے کو بھاری نقصان کا سامنا کرنا پڑیگا۔جائلز کلارک پاک بھارت سیریز کیلئے سری لنکا اور دوبئی کی بجائے کسی دوسرے ملک کاانتخاب کررہے ہیں ، جس کا بظاہر سر ی لنکا میچز ہونے کا امکان کم ہوگئے ہیں۔ پاکستان کرکٹ بورڈ کے چیئرمین شہریار خان نے گذشتہ روز جائلز کلارک کو بی سی بی آئی سے رابطہ کرنے کو کہا تھا کہ سیریز کے معاملے میں آخری فیصلہ معلوم کرکے بتائیں۔

وسیم اکرم بھی پاک بھارت کرکٹ سیریز پر بول پڑے

سوئنگ کے سلطان اورپاکستان کرکٹ ٹیم کے سابق کپتان وسیم اکرم بھی پاک بھارت کرکٹ سیریز پر بول پڑے۔انہوں نے کہاکہ کرکٹ سیریز اگر نہیں ہوتی تو نہ ہو، رائی کا پہاڑ بنانے کی کیا ضرورت ہے۔ صحافیوں سے گفتگو میں سوئنگ کے سلطان نے کہا کہ پاکستان کو ٹی 20 ورلڈ کپ کا بائیکاٹ نہیں کرنا چاہیے، کیونکہ ٹی 20 ورلڈ کپ آئی سی سی کا ایونٹ ہے اس میں بی سی سی آئی کا کوئی لینا دینا نہیں۔وسیم اکرم نے ٹی 20 ورلڈ کپ پر بات کرتے ہوئے کہا کہ ٹی ٹوئنٹی ورلڈکپ میں زیادہ وقت نہیں بچا، 15 لڑکوں کی ٹیم بنا کر مستقل مزاجی سے کھیلناچاہیے۔انہوں نے کہا کہ شاہد آفریدی تجربہ کار کھلاڑی اور فارم میں ہیں، آفریدی کو بھی ٹی ٹوئنٹی ورلڈکپ میں کپتان رہنا چاہیے۔

محمد عامر کے بارے میں دھماکہ خیز اعلان

محمد عامر کے بارے میں دھماکہ خیز اعلان، پی سی بی نے مخالفین اور شائقین پر بجلی گرادی،پی سی بی نے پاکستان سپر لیگ کے لیے تین سو اٹھ ممکنہ کھلاڑیوں کا اعلان کر دیا ہے جن میں سپاٹ فکسنگ میں سزا یافتہ محمد عامر کا نام بھی شامل ہے۔ لیگ کے سفیر رمیز راجہ اس فیصلے پر پھر پھٹ پڑے ہیں۔، پاکستان سپر لیگ ڈرافٹنگ کے مرحلے میں داخل ہو گئی ہے۔ پی سی بی نے پانچ کیٹیگریز کے لیے تین سو آٹھ ممکنہ کھلاڑیوں کا اعلان کر دیا ہے۔ پلاٹینیم کیٹیگری میں ستائیس، ڈائمنڈ میں اکتالیس، گولڈ میں انسٹھ، سلور میں ایک سو بائیس اور ایمرجنگ میں انسٹھ کرکٹرز کو شامل کر لیا گیا ہے۔ پاکستان سپر لیگ کے لیے سلیکٹرز نے ایک سو سینیتس پاکستانی کھلاڑیوں کے ناموں کی منظوری دی جن میں سپاٹ فکسنگ میں سزا یافتہ سلمان بٹ اور محمد آصف تو نہیں ہیں البتہ نوجوان فاسٹ بولر محمد عامر پی ایس ایل میں ایکشن میں ہونگے۔ پی ایس ایل ڈرافٹنگ میں انگلینڈ کے انسٹھ، ویسٹ انڈیز کے اڑتیس، سری لنکا کے بائیس، ا?سٹریلیا اور بنگلا دیش کے دس، س کھلاڑی شامل ہیں۔ سلیکشن کمیٹی نے جنوبی افریقا کے سات، زمبابوے کے چھ اور آئرلینڈ کے چار کرکٹرز کو بھی پاکستان سپر لیگ کا پروانہ جاری کر دیا ہے۔

ورلڈ ٹی ٹونٹی 2016ءکے شیڈول کا اعلان کر دیاگیا

دبئی :انٹر نیشنل کرکٹ کونسل نے اگلے سال بھارت میں کھیلے جانے والے ورلڈ ٹی ٹونٹی کے شیڈول کا اعلان کر دیا ہے۔ممبئی میں ورلڈ ٹی ٹونٹی شیڈول کے اجرا کی تقریب میں ایونٹ کے شیڈول کا اعلان کیا گیا۔8مارچ سے شروع ہونے والے ورلڈ ٹی ٹونٹی کے شیڈول کے مطابق روایتی حریف پاکستان اور بھارت 19مارچ کو دھرم شالا میں آمنے سامنے ہوں گی جس کے بعد 22مارچ کو گرین شرٹس نیوزی لینڈ اور 25مارچ کو آسٹریلیا کے مقابل کھیلیں گے۔ پاکستان کے گروپ میں بھارت کے علاوہ آسٹریلیا اور نیوزی لینڈ کی ٹیمیں شامل ہیں جس کے باعث شائقین کرکٹ کو دلچسپ مقابلے دیکھنے کو مل سکتے ہیں۔ دوسرے گروپ میں جنوبی ا فریقہ ، دفاعی چیمپئن سری لنکا ، انگلینڈ اور ویسٹ انڈیز کی ٹیمیں شامل ہیں۔بنگلہ دیش اور زمباوے سمیت ایسوسی ایٹ ٹیمیں 8سے 13مارچ کے دوران پہلا راو¿نڈ کھیلیں گے اور گروپ ونرز 15سے 28مارچ سے شیڈول سپر 10سٹیج کے لیے کوالیفائی کر لیں گے۔ بھارت کے 8شہر ایونٹ کی میزبانی کریں گے جن میں بنگلور ، چنائی ،دھرم شالا ، کلکتہ ، موہائی ، ممبئی ، ناگپور اور نئی دہلی شامل ہیں ،سیمی فائنلز 30اور 31مارچ کو کھیلے جائیں گے جب کہ ایونٹ کا فائنل 3اپریل کو کلکتہ میں کھیلا جائے گا۔

Google Analytics Alternative