- الإعلانات -

یمن کی صورت حال باعث تشویش ہے، اقوام متحدہ

یمن کے لیے اقوام متحدہ کے خصوصی ایلچی مارٹن گریفتھس نے خبردار کیا ہے کہ ملک میں عسکری صورت حال مسلسل خوف ناک ہوتی جا رہی ہے۔ اقوم متحدہ کی جانب سے جاری کردہ بیان میں کہا گیا ہے کہ یمن کے شمال میں بعض علاقوں میں حالات باعثِ تشویش ہیں جس کے نتیجے میں ہزاروں خاندان نقل مکانی کرنے پر مجبور ہو چکے ہیں۔مارٹن گریفتھس نے عالمی سلامتی کونسل کو آگاہ کیا کہ یمن اس وقت نازک موڑ پر کھڑا ہے۔ وہ یا تو جارحیت میں کمی اور سیاسی عمل کے دوبارہ آغاز کی جانب جائے گا اور یا پھر مجھے اندیشہ ہے کہ زیادہ بڑے پیمانے پر تشدد اور مسائل کا سامنا ہو گا اور یہ صورت حال مذاکرات کی میز کی جانب جانے والی راہ کو زیادہ دشوار بنا دے گی۔ان کا کہنا تھا کہ عسکری جارحیت یمن کو تشدد کے ایک نئے گڑھے میں کھینچ کر لے جا سکتی ہے جس کے نتیجے میں انسانی اور سیاسی صورت حال پر تباہ کن اثرات مرتب ہوں گے۔ واضح رہے کہ سال 2014 میں ایران نواز حوثی باغیوں کی جانب سے آئینی حکومت کا تختہ الٹے جانے کے بعد سے یمن کو جنگ کا سامنا ہے