- الإعلانات -

ڈونلڈ ٹرمپ جھوٹ بول رہے اور یہ کام کرنا چاہتے ہیں۔۔۔۔واشنگٹن کے گورنرنے امریکی صدر پر سنگین ترین الزام عائد کرد یا

غیر ملکی خبر رساں ادارے کے مطابق واشنگٹن کے گورنر جے انسلی نے اپنے بیان میں امریکی صدر پر الزام لگایا کہ ٹرمپ جھوٹ کا پرچار کررہے ہیں اور ملک میں اندرونی بغاوت بھڑکا رہے ہیں۔واشنگٹن کے گورنر نے یہ الزام صدر ٹرمپ کے اس بیان کے بعد لگایا جب انہوں نے اپنے حامیوں پر زور دیا کہ امریکا کی تین ریاستوں کو ڈیمو کریٹس سے آزاد کرائیں۔واشنگٹن کے گورنر کا کہنا تھا کہ امریکی صدر کا بیان غیر قانونی اور خطرناک عمل کی حوصلہ افزائی کرتا ہے، وہ لاکھوں لوگوں کو کورونا میں مبتلا ہونے کے خطرے سے دوچار کررہے ہیں،ٹرمپ کی غیر ضروری جارحانہ تقریریں اور لوگوں سے ریاستیں آزاد کرانے کا مطالبہ تشدد کو بھی بڑھاوا دے سکتا ہے کیونکہ ہم اس سے پہلے یہ دیکھ چکے ہیں لہٰذا ٹرمپ اندرونی بغاوت بھڑکا رہے ہیں اور جھوٹ پھیلا رہے ہیں۔ واشنگٹن کے گورنر کا کہنا تھا کہ ٹرمپ کی انتظامیہ خود کہتی ہے کہ وائرس ایک حقیقت ہے اور یہ جان لیوا ہے، ہمارے پاس پابندیاں اٹھانے سے پہلے آگے بڑھنے کے لیے ایک طویل راستہ ہے۔یاد رہے کہ امریکی صدر ڈونلڈ ٹرمپ  نے مائیکرو بلاگنگ ویب سائٹ  پر ریاست ورجینیا، مشی گن اور منی سوٹا کی آزادی کا نعرہ لگایا تھا جب کہ انہوں نے ساتھ ہی نیو یارک کے گورنر پر بھی شدید تنقید کی تھی۔