- الإعلانات -

برطانوی رکن پارلیمنٹ ڈیوڈ ایمس کا قتل دہشتگردی قرار، 25 سالہ نوجوان گرفتار

برطانوی پولیس نے کنزرویٹور پارٹی کے رکن پارلیمنٹ سر ڈیوڈ ایمس کےقتل کو دہشتگردی قرار دے دیا۔ برطانوی پولیس کا کہنا ہے کہ ابتدائی تحقیقات کی بنیاد پر واقعے کا انتہاپسندی سے مشتبہ تعلق ہونے کی تحقیقات کی جارہی ہے۔

پولیس نے صومالیہ سے آبائی تعلق رکھنے والے ایک 25 سالہ برطانوی شخص کو حراست میں لیا ہے جس سے تفتیش کی جارہی ہے۔ خیال رہے کہ گزشتہ روز رکن پارلیمنٹ ڈیوڈ ایمس کو ان کے انتخابی حلقے میں سیاسی میٹنگ کے دوران چاقو کے پے در پے 17 وار کرکے قتل کردیاگیا تھا۔