بین الاقوامی

مقبوضہ کشمیر میں بھارتی فوج کی فائرنگ سے مزید 7 کشمیری نوجوان شہید

سری نگر: مقبوضہ کشمیر میں بھارتی فوج نے ریاستی دہشت گردی کے دوران فائرنگ کرکے مزید 7 کشمیری نوجوانوں کو شہید کردیا۔

کشمیر میڈیا سروس کے مطابق بھارتی فوج نے ضلع کپواڑہ میں نام نہاد سرچ آپریشن کے دوران اندھا دھند فائرنگ کی جس کے نتیجے میں مزید 7 کشمیری نوجوان شہید ہوگئے۔ دوسری جانب  ضلع شوپیاں میں سرچ آپریشن کے دوران گھر کے ملبے سے مزید 2 افراد کی لاشیں برآمد ہوئی ہیں۔

گزشتہ روز بھی قابض بھارتی فوج نے 2 الگ الگ واقعات میں سرچ آپریشن کے دوران ریاستی دہشت گردی کا مظاہرہ کرتے ہوئے 2 کشمیری نوجوانوں کو شہید کردیا تھا، شہید ہونے والے نوجوان مقامی یونیورسٹی کے طالب علم تھے۔

واضح رہے کہ 4 روزقبل بھی بھارتی فوج نے ضلع بانڈی پورہ میں ریاستی دہشت گردی کا مظاہرہ کرتے ہوئے 4 نوجوانوں کو شہید کردیا تھا اور کل مزید 2 نوجوانوں کو نشانا بنایا گیا جب کہ گزشتہ 4 دنوں میں شہید ہونے والوں کی تعداد 14 ہوگئی ہے۔

عالمی برادری مسئلہ کشمیر کے پرامن حل کیلئے بھارت پر دباؤ ڈالے، اوآئی سی

ریاض: اسلامی تعاون تنظیم (او آئی سی) نے بھارت کی جانب سے سیز فائر کی خلاف ورزیوں اور کلسٹر بم کے استعمال پر تشویش کا اظہار کرتے ہوئے  قیمتی جانوں کے ضیاع پر اظہار افسوس کیا ہے۔

سیکرٹری جنرل اوآئی سی کی جانب سے ٹوئٹر پر جاری بیان میں کہا گیا ہے کہ بھارت کی جانب سے شہری آبادی پرکلسٹربم کےاستعمال پرشدید تشویش ہے جب کہ مقبوضہ کشمیرمیں بگڑتی ہوئی صورت حال اور مقبوضہ وادی میں بھارتی فوج کی اضافی نفری پربھی تشویش ہے۔

بیان میں کہا گیا کہ عالمی برادری مسئلہ کشمیر کے پرامن حل کیلئے بھارت پر دباؤ ڈالے اور  مقبوضہ کشمیرکے پرامن حل کےلیے عالمی برادری اپنی ذمے داری پوری کرے جب کہ سلامتی کونسل کی قراردادوں کے مطابق کشمیریوں کو آزادانہ حق خودارادیت دیا جائے۔

واضح رہے کہ وزیرخارجہ شاہ محمود قریشی نے اسلامی تعاون تنظیم (او آئی سی) کے سیکریٹری جنرل ڈاکٹر یوسف احمد العثمین سے ٹیلی فونک رابطہ کیا تھا اور ان سے مقبوضہ کشمیر میں بڑھتی ہوئی بھارتی جارحیت اور امن و امان کی صورتحال پر تبادلہ خیال کیا۔

امریکی ریاست ٹیکساس کے بعد اوہائیو میں بھی فائرنگ، 9 افراد ہلاک

اوہائیو: امریکی ریاست اوہائیو میں فائرنگ کے ایک واقعے میں 9 افراد ہلاک اور 16 زخمی ہوگئے جب کہ حملہ آور بھی مارا گیا۔

بین الاقوامی خبر رساں ادارے کے مطابق امریکی ریاست اوہائیو کے شہر ڈیٹن میں ایک بار کے نزدیک فائرنگ میں 9 افراد ہلاک اور 16 زخمی ہوگئے ہیں۔ ہلاک ہونے والوں میں حملہ آور بھی شامل ہے۔

عینی شاہدین کا کہنا ہے کہ مسلح شخص نے بار کے نزدیک اندھا دھند فائرنگ کردی اور فرار ہوگیا، فائرنگ سے خوف و ہراس پھیل گیا اور بھگڈر مچ گئی۔ ریسکیو اہلکاروں نے ہلاک اور زخمی ہونے والوں کو اسپتال منتقل کیا۔

دوسری جانب فائرنگ کی اطلاع ملتے ہی ڈیٹن پولیس نے الرٹ جاری کردیا اور کسی بھی شخص کو جائے وقوعہ کا رخ نہ کرنے کی ہدایت جاری کردی۔ پولیس کا کہنا ہے کہ حملہ آور بھی ہلاک ہونے والوں شامل ہیں۔

واضح رہے کہ آج ہی الپاسو کے ایک شاپنگ سینٹر میں بھی مسلح نوجوان نے اندھا دھند فائرنگ کی تھی جس کے نتیجے میں 20 افراد ہلاک اور 40 زخمی ہوگئے تھے جس کے چند گھنٹوں بعد ہی اوہائیو میں فائرنگ کا دوسرا واقعہ رونما ہوا ہے۔

بھارت کا سیاحوں کو مقبوضہ کشمیر فوری چھوڑنے کا حکم، عوام میں تشویش کی لہر دوڑ گئی

بھارت کی جانب سے سیاحوں اور ہندو زائرین کو مقبوضہ کشمیر فوری چھوڑنے کی ہدایت کے بعد پوری مقبوضہ وادی میں تشویش کی لہر دوڑ گئی ہے۔

گزشتہ کئی ماہ سے بھارت کی جانب سے مقبوضہ کشمیر میں آرٹیکل 35 اے اور آرٹیکل 370 کے خاتمے کی باتیں کی جا رہی ہیں۔

مقبوضہ کشمیر میں آرٹیکل 35 اے اور آرٹیکل 370 کے خاتمے کے حوالے سے بھارت کی ہندو انتہا پسند حکمران جماعت بی جے پی کے کئی رہنما بیانات بھی داغ چکے ہیں۔

بھارت کی جانب سے آرٹیکل 35 اے اور آرٹیکل 370 کے خاتمے کی باتوں پر مقبوضہ کشمیر کے سابق وزرائے اعلیٰ فاروق عبداللہ اور محموبہ مفتی سمیت حریت قیادت اور کشمیری عوام شدید تحفظات کا اظہار کر چکے ہیں۔

Mehbooba Mufti

@MehboobaMufti

You failed to win over the love of a single Muslim majority state which rejected division on religious grounds & chose secular India. The gloves are finally off & India has chosen territory over people.

2,982 people are talking about this

چند روز قبل بھارتی وزارت داخلہ نے بغیر کوئی وجہ بتائے مقبوضہ کشمیر میں 10 ہزار اضافی سیکیورٹی اہلکار تعینات کرنے کا اعلان کیا تھا۔

اب بھارت کی جانب سے کشمیر سے سیاحوں اور ہندو زائرین کو فوری طور پر مقبوضہ وادی چھوڑنے کی ہدایت نے کشمیری عوام کی بے چینی میں مزید اضافہ کر دیا ہے

اس کے علاوہ مودی سرکار نے سی پی آر ایف اور دیگر سیکیورٹی فورسز سمیت امریکی ساختہ سی 17 ملٹری ٹرانسپورٹ طیاروں کو بھی الرٹ رہنے کی ہدایت کر دی ہے۔

بھارتی حکومت کی جانب سے کشمیر چھوڑنے کے اعلان کے بعد عوام کی بڑی تعداد کے ائیرپورٹ پہنچنے کے باعث ٹکٹوں کی قلت پیدا ہو گئی ہے۔

بھارتی میڈیا کا اس حوالے سے دعویٰ ہے کہ حکومت نے دہشت گردی کے مبینہ خدشے کے پیش نظر زائرین اور سیاحوں کو کشمیر چھوڑنے کی ہدایت کی ہے جب کہ کشمیر میڈیا سروس کے مطابق بھارت سرکار کی جانب سے یہ سب کچھ آرٹیکل 35 اے اور آرٹیکل 370 ختم کرنے کے لیے کیا جا رہا ہے۔

کے ایم ایس کے مطابق مقبوضہ بھارتی افواج نے ہفتے کے روز بھی سرچ آپریشن کی آڑ میں دو نہتے نوجوانوں کو شہید کر دیا ہے۔

بھارت میں 3 مسلمان پاکستان کیلیے جاسوسی کے جھوٹے الزام میں گرفتار

ہریانہ: بھارت میں 3 مسلمان مزدوروں کو پاکستان کے لیے جاسوسی کرنے کے الزام میں حراست میں لے لیا گیا ہے۔

بین الاقوامی خبر رساں ادارے کے مطابق ہریانہ میں بھارتی فوجی کیمپ کے نزدیک ایک کثیر المنزلہ عمارت میں کام کرنے والے 3 مسلمان مزدوروں کو جاسوسی کے الزام میں حراست میں لے لیا گیا ہے۔

پولیس کا کہنا ہے کہ 28 سالہ مہتاب، 25 سالہ خالد اور 34 سالہ راغب کے موبائل فون میں فوجی کیمپ کے مختلف حصوں اور فوجی اہلکاروں کی ویڈیو اور تصاویر موجود ہیں جو انہوں نے واٹس ایپ کے ذریعے پاکستان بھیجیں۔

اہل خانہ کا کہنا ہے کہ تینوں دوست مزدوری کے غرض سے ہریانہ میں موجود تھے، پولیس جھوٹے الزامات لگا کر ہم غریب لوگوں کو ڈرا دھمکا رہے ہیں اور اپنے پیاروں سے ملنے نہیں دیا جارہا ہے۔

واضح رہے کہ یہ پہلا موقع نہیں جب جارحیت پسند مودی سرکار کے دور اقتدار میں کسی مسلمان پر جاسوسی کا الزام لگا کر استحصال کیا گیا ہو، بھارتی جیلوں میں اب بھی درجنوں مسلمان ان الزامات پر قید ہیں اور انصاف کے متلاشی ہیں۔

یمن میں فوجی کیمپ پر حملہ، 19 اہلکار ہلاک

صنعا: یمن میں المحافظ فوجی اڈے پر مسلح افراد نے حملہ کر دیا جس کے نتیجے میں 19 اہلکار ہلاک اور متعدد زخمی ہوگئے جب کہ جوابی کارروائی میں 5 سے زائد حملہ آور بھی مارے گئے۔

بین الاقوامی خبر رساں ادارے کے مطابق یمن کے ابایان صوبے میں واقع فوجی کیمپ پر مسلح افراد نے حملہ کردیا، سیکیورٹی فورسز اور حملہ آوروں کے درمیان کئی گھنٹوں تک گھمسان کی جنگ جاری رہی جس کے دوران 19 اہلکار ہلاک اور متعدد زخمی ہوگئے۔

یمن میں اتحادی افواج کی جانب سے بھی مسلح افراد کے حملے میں 19 اہلکاروں کی ہلاکت کی تصدیق کی گئی ہے تاہم سرکاری بیان میں 5 حملہ آوروں کے مارے جانے کا بھی دعویٰ کرتے ہوئے کہا گیا ہے کہ حملہ آور کا تعلق القاعدہ سے تھا تاہم آزاد ذرائع کا کہنا ہے کہ داعش کا اس علاقے میں حملے کی نہ تو صلاحیت باقی بچی نہیں ہے نہ ہی ان میں اتنی سکت ہے۔

واضح رہے کہ دو روز قبل بھی عدین میں حوثی باغیوں کے دو مختلف مقامات پر حملوں میں مجموعی طور پر 49 افراد ہلاک ہو گئے تھے، پہلا حملہ عدین کے پولیس اسٹیشن پر خود کش کار بمبار نے کیا جبکہ دوسرا حملہ بیلاسٹک میزائل حملہ تھا جو پولیس تربیتی کیمپ پر کیا گیا تھا۔

امریکی ساحل پر چٹان کا ٹکڑا گرنے سے 3 سیاح ہلاک

کیلی فورنیا: امریکا کے ساحلی ریت پر لیٹے اور کرسیوں پر بیٹھے سیاحوں پر چٹان کا 30 فٹ لمبا ٹکڑا گر گیا جس کے نتیجے میں 3 سیاح ہلاک ہوگئے۔

بین الاقوامی خبر رساں ادارے کے مطابق امریکی ریاست کیلیفورنیا کے ساحلی شہر گرینڈ ویو بیچ پر مقامی اور غیر مقامی سیاحوں کی بڑی تعداد موجود تھی جو موسم سے لطف و اندوز ہو رہے تھے کہ اچانک چٹان کا ٹنوں وزنی ٹکڑا سیاحوں پر آن گرا جس کے نتیجے میں 3 سیاح ہلاک ہوگئے۔

ریسکیو اداروں نے امدادی کاموں کا آغاز کرتے ہوئے ملبے میں دبے 5 سیاحوں کو بحفاظت نکال لیا ہے، چٹان کے باقی حصے کے گرنے کے خدشے کے پیش نظر سیاحوں کو جائے وقوعہ سے دور کردیا گیا ہے اور امدادی کاموں میں تاخیر کی وجہ بھی یہ خطرہ بنی۔

ملبے تلے دبے سیاحوں کا پتہ لگانے کے لیے سراغ رساں کتوں کی مدد لی گئی اب بھی ملبے تلے متعدد کرسیاں اور سرفنگ بورڈ دبے ہیں جب کہ ملبے میں سیاحوں کے دبے ہونے کو خارج از امکان قرار نہیں دیا جا سکتا۔

مسئلہ کشمیر پر ثالثی کی پیشکش پر قائم ہوں، امریکی صدر

واشنگٹن: امریکی صدر ڈونلڈ ٹرمپ کا کہنا ہے کہ مسئلہ کشمیر پر ثالثی کی پیشکش پر قائم ہوں۔

واشنگٹن میں میڈیا سے گفتگو میں امریکی صدر ڈونلڈ ٹرمپ نے ایک بار پھر پاکستان اور بھارت کے درمیان مسئلہ کشمیر پر ثالثی کی پیشکش کرتے ہوئے کہا ہے کہ مسئلہ کشمیر کے معاملے پر اپنی ثالثی کی پیشکش پر قائم ہوں، میرے خیال میں عمران خان اور مودی بہترین لوگ ہیں اور دونوں کی آپس میں اچھی بات چیت ہوگی۔

امریکی صدر نے کہا کہ مسئلہ کشمیر کے بارے میں پاکستان سے تو بات کی ہی ہے اور بھارت کے ساتھ بھی بلا تکلف انداز میں بات کی ہے، اگر دونوں ممالک چاہیں کہ کوئی مداخلت کرے یا مدد کرے تو امریکا کرسکتا ہے تاہم مودی پر منحصر ہے کہ وہ پیشکش کو قبول کرتے ہیں یا نہیں۔

Google Analytics Alternative