بین الاقوامی

امریکہ نے شمالی کوریا کے ساتھ امن معاہدہ مسترد کر دیا

واشنگٹن :  امریکہ نے شمالی کوریا کے ساتھ امن معاہدہ مسترد کر دیا۔ غیر ملکی خبر رسان ادارے کے مطابق امریکی محکمہ خارجہ کے ترجمان جان کیربی نے صحافیون کیساتھ بات چیت کرتے ہوئے کہا کہ شمالیکوریا نے کوریائی بیننسزلا میں امن معاہدے کیلئے مذاکرات کی تجویز دی ہے تاہم اس کے جواب میں واشنگٹن نے کہا ہے کہ پیانگ یانگ اپنے جوہری پروگرام کو مذاکرات کا حصہ بنائے لیکن شمالی کوریا نے مذاکرات کے لئے اس شرط کو قبول کرنے سے انکار کر دیا۔ ترجمان نے مزید بتایا کہ ہم نے شمالی کوریا کے رویئے کا گہرائی سے مطالعہ کیا ہے اور بدستور اس کے ہٹ دھرمی پر قائم رہنے کی وجہ سے ہم نے امن معاہدے کی تجویز ہی مسترد کر دی۔

شام میں لڑائی کے خاتمے کی شرائط پر ایک عبوری معاہدہ ہو چکا ہے”جان کیری”

امریکہ کے وزیرِ خارجہ جان کیری کا کہنا ہے کہ انھیں یقین ہے کہ شام میں لڑائی کے خاتمے کی شرائط پر ایک عبوری معاہدہ ہو چکا ہے۔

انھوں نے یہ بیان اردن میں روس کے وزیرِ خارجہ سرگئی لاروف کے ساتھ ملاقات کے بعد دیا۔

انھوں نے کہا کہ وہ امید کرتے ہیں کہ آنے والے دنوں میں امریکی صدر براک اوباما اور روسی صدر ولادمیر پوتن اس معاہدے کی توثیق کر دیں گے۔

عالمی اور مشرقِ وسطی کی علاقائی طاقتوں کے درمیان اس ماہ کے آغاز میں میونخ میں لڑائی روکنے پر مذاکرات ہوئے تھے۔ لیکن ابھی تک جنگ بندی نہیں ہو پائی ہے اور جمعہ کی ڈیڈلائن بھی گزر چکی ہے۔

شام کے صدر بشار الاسد نے ایک ہسپانوی اخبار ال پیئس کو انٹرویو دیتے ہوئے کہا ہے کہ وہ عارضی جنگ بندی پر عمل درآمد کے لیے تیار ہیں لیکن انھیں یہ گارنٹی چاہیےکہ ’دہشت گرد‘ اسے اپنی صفیں مظبوط کرنے کے لیے استعمال نہیں کریں گے۔

یاد رہے شام کے بحران پر جرمنی میں ہونے والے مذاکرات کے بعد عالمی طاقتیں شام میں ’جنگی اقدامات اور کارروائیاں روکنے‘ کے لیےمتفق ہو گئی تھی۔

تاہم یہ جنگ بندی جہادی گروہوں دولتِ اسلامیہ اور النصرہ فرنٹ کے لیے نہیں تھی۔

بھارت، عدالت نے تجاوزات کے الزام میں ہندوؤں کے دیوتا ہنومان کو طلب کر لیا

نئی دہلی : بھارتی ریاست بہار کی عدالت نے تجاوزات کے الزام میں ہندوؤں کے دیوتا ہنومان کو طلب کر لیا ۔ غیر ملکی میڈیا کے مطابق یہ انوکھا واقعہ بھارتی ریاست بہار کے ضلع روہتاس میں پیش آیا جہاں عدالت نے ناجائز تجاوزات کے الزام میں ہندؤ ں کے دیوتا ہنومان کو طلبی کا نوٹس جاری کیا۔ضلع روہتاس کے پبلک ورکس ڈیپارٹمنٹ کے حکام نے عدالت میں درخواست دی تھی کہ دیوتا ہنومان کا مندر ٹریفک کے بہاؤ میں رکاوٹ بن رہا ہے۔ اسے گرانے کی اجازت دی جائے جس پر عدالت نے حکم صادر کرتے ہوئے ہندوؤں کے دیوتا ہنومان کو طلب کر لیا۔ عدالتی اہلکار کو جب دیوتا ہنومان نہ ملا تو اس نے مندر جا کر اس کے بت پر عدالتی سمن چسپاں کر دیا۔واضع رہے کہ اس سے قبل بھی بھارتی ریاست جھارکھنڈ کی ایک عدالت نے ہندوؤں کے دیوتا رام اور ہنومان کو زمین کا تنازع حل کرنے میں مدد کیلئے نوٹس بھیجا تھا۔ اس کیس میں عدالت کے جج نے اخبار میں اشتہار کے ذریعے دونوں دیوتاؤں کو ذاتی طور پر عداالت میں حاضر ہونے کا حکم دیا تھا۔

لیبیا، داعش کے ٹھکانوں پر امریکی جنگی جہازوں کی بمباری

تریپولی: لیبیا میں داعش کے ٹھکانوں پر امریکی جنگی جہازوں کی بمباری سے 46 افراد ہلاک ہوگئے۔ پیٹاگون کا کہنا ہے کہ مزید فضائی حملے کرسکتے ہیں۔لیبیا کے شمالی شہر صبراتہ میں امریکی جنگی جہاوزوں نے داعش کے مختلف ٹھکانوں کو نشانہ بنایا، ہلاک ہونے والوں میں ممکنہ طور پر تیونس حملوں کے ماسٹر مائنڈ نور الدین شوشان کے ہلاک ہونے کی بھی اطلاع ہے۔ترجمان پینٹاگون نے لیبیا میں داعش کے ٹھکانوں پر حملوں کی تصدیق کی ہے۔ ترجمان کا کہنا ہے کہ مارے جانے والے داعش کے دہشت گرد امریکا کے لیے خطرہ تھے اور داعش کے دہشت گردوں پر مزید فضائی حملے کیے جاسکتے ہیں

بیلجیم ،حکومت اسلام کا پیغام پھیلانے کے لئے 33 لاکھ یوروز خرچ کرے گی

برسلز: بیلجیم کی حکومت اسلام کا اعتدال پسند پیغام پھیلانے کے لئے 33 لاکھ یوروز خرچ کرے گی۔برسلز میں مساجد کے 80 پیش اماموں کو تنخواہ دینے کے لیے وفاقی حکومت کی جانب سے 33 لاکھ یوروز کی رقم مختص کی گئی ہے۔ اس رقم کا مقصد ان مساجد کی مدد کرنا ہے جو اسلام کا معتدل پیغام لوگوں تک پہنچا رہی ہیں۔اس عمل سے دہشت گردی اور نوجوانوں میں دہشت گردی کے رجحانات کی حوصلہ شکنی ہوگی۔ بیلجیم کے ولندیزی علاقوں میں 50 نئی مساجد کو سرکاری طور پر تسلیم کرنے کی درخواستیں بھی دی گئی ہیں

یمن،باغیوں نے دو مختلف حملوں میں 24 سعودی فوجیوں کو ہلاک کر دیا

صنعاء : یمن میں باغیوں نے دو مختلف حملوں میں 24 سعودی فوجیوں کو ہلاک کر دیا۔ غیر ملکی میڈیا رپورٹ کے مطابق یمنی فورسز نے شمالی صوبہ جاؤف میں حملہ کیا اور 23 سعودی فوجیوں کو ہلاک کر دیا جبکہ انکی تین گاڑیاں بھی تباہ کر دیں۔ دریں اثناء جنوب مغربی صوبہ جیزان میں بھی فوجی اڈے پر اتحادی فوج کے حملے کے دوران جوابی کارروائی میں یمنی فورسز نے ایک سعودی فوجی کو ہلاک کر دیا۔

بھارت، غیر شادی شدہ خواتین پر موبائل فون استعمال کرنے پر پابندی

نئی دہلی : بھارتی ریاست گجرات میں پنچائت نے غیر شادی شدہ خواتین پر موبائل فون استعمال کرنے پر پابندی عائد کر دی ہے۔تفصیلات کے مطابق بھارتی ریاست گجرات میں غیر شادی شدہ خواتین پر موبائل فون استعمال کرنے پر پابندی عائد کرتے ہوئے اعلان کیا ہے کہ جو بھی لڑکی پابندی کی خلاف ورزی کرے گی اس پر 2100 روپے جرمانہ عائد کیا جائے گا۔جبکہ پنچائت نے خلاف ورزی کی خبر دینے والے کو 200 روپے انعام دینے کا بھی اعلان کیا ہے۔ذرائع کے مطابق گاوٗں کے سرپنج دیوشی وانکر نے کہا لڑکیوں کو موبائل فون کی کیا ضرورت؟ انٹرنیٹ متوسط طبقے پر مبنی ہماری برادری کے وقت اور پیسے کا ضیاع ہے۔تاہم پنچائت کی طرف سے یہ فیصلہ کیا گیا کہ اگر کوئی رشتہ دار کسی لڑکی سے بات کرنا چاہے تو اس موقع پر وہ والدین کا فون استعمال کر سکتی ہے.

پاکستانی حجاج کو تمام سہولتیں فراہم کی جائیں گی” سعودی وزیر حج”

جدہ: سعودی وزیر حج ڈاکٹر بندر الحجار نے یقین دہانی کروائی ہے کہ پاکستانی حجاج کو اس برس تمام سہولتیں فراہم کی جائیں گی، انہوں نے یہ بات وفاقی وزیر مذہبی امور سردار محمد یوسف سے ملاقات میں کہی۔اس موقع پر سیکریٹری مذہبی امور سہیل عامر ، ساجد یوسفانی، امتیاز شاہ اور سفیر پاکستان منظور الحق بھی موجود تھے جن کاکہناتھاکہ پاکستانی حجاج کے خیموں میں بجلی، پانی اور ایئر کولرز کی فراہمی یقینی بنائی جا ئے اور مشا عرٹرین کی سہولتیں تمام پاکستانی حجاج کو دی جائیں۔وفاقی وزیر مذہبی امور سردار محمد یوسف نے موسسہ جنوبی ایشیاء4 کے ڈائریکٹر جنرل ڈاکٹر رفعت بدر سے بھی ملاقات کی۔

Google Analytics Alternative