بین الاقوامی

شہزادہ ولید بن طلال بھی ڈونلڈٹرمپ کے خلاف میدان میں آگئے

عرب دنیا کے امیر ترین شہزادہ ولید بن طلال بھی امریکی صدارتی امیدوار ڈونلڈٹرمپ کے خلاف میدان میں آگئے جنہوں نے مسلمانوں کے امریکہ میں داخلے پر پابندی کا مطالبہ کیاتھا ،میڈیارپورٹس کے مطابق ٹوئیٹر پر اپنے بیان میں پرنس ولید بن طلال نے ڈونلڈٹرمپ پر برہمی کا اظہار کرتے ہوئے کہاکہ وائٹ ہااو¿س میں جانیوالے امیدواروں کی فہرست سے ٹرمپ کو نکال باہر پھینکناچاہیے کیونکہ وہ کبھی جیت نہیں سکتا۔ا±نہوں نے کہاکہ وہ نہ صرف پرانی بڑی پارٹی بلکہ پورے امریکہ کیلئے ذلت ہے۔ مشرق وسطیٰ میں موجود بزنس مین پرنس الولید امریکی بلینئرپر تنقید کرنیوالی بڑی شخصیت ہیں۔ اس سے قبل یواے ای کے ٹائیکون احمد الہبتور بھی ٹرمپ کے ساتھ کام کرنے کے امکانات کو مسترد کرچکے ہیں اور کہاتھاکہ وہ ٹرمپ پر مزید بھروسہ نہیں کرسکتے ، وہ اسلام کا بڑا دشمن ہے اور وہ مزید ٹرمپ ہوم برانڈ کی حمایت نہیں کرسکتے۔

عمران خان کی مودی سے کرکٹ سیریزپر بات

نئی دہلی: پاکستان کرکٹ ٹیم کے سابق کپتان عمران خان نے ہندوستان کے وزیراعظم نریندر موی سے ملاقات کے بعد ایک ٹی وی شو میں شرکت کی اور پاک-انڈیا کرکٹ پر بات کرتے ہوئے کہا کہ ہندوستانی وزیراعظم نریندر مودی نے سیریز کے حوالے سے حتمی جواب نہیں دیا۔عمران خان ہندوستانی چینل آج تک میں سابق ہندوستانی کپتان کیپل دیو کےساتھ شریک ہوئے۔عمران خان نے نریندرمودی سےملاقات کے حوالے سے کہا کہ ملاقات میں پاک ہندوستان سیریز پربھی بات ہوئی لیکن انھوں ہاں یا ناں تو نہیں کی لیکن مسکرائے ضرور جس کو وہ مثبت انداز میں لیتے ہیں۔پروگرام میں عمران خان اور کپیل دیو نے کرکٹ کے حوالے سے دلچسپ گفتگو کی جبکہ کپیل دیو کا کہنا تھا کہ وہ عمران کو دیکھ کر اپنی زلفیں سنوارتے تھے۔ان کا کہنا تھا کہ عمران پر پورے ہندوستان کی لڑکیاں مرتی ہیں جبکہ ہمیں کوئی نہیں دیکھتا۔کیپل دیو نے پاکستانی کھلاڑیوں کی کھل کر تعریف کی اور کہا کہ اگر پاک-انڈیاالیون بنائی جائے تو عمران خان کواس کا کپتان ہونا چاہیے.جاویدمیاںداد کے حوالے سے ان کا کہنا تھا کہ ہر کپتان چاہتا ہے کہ میانداد جیسا کھلاڑی اس کی ٹیم میں ہو لیکن آج تک جاویدمیاںداد جیسا کھلاڑی نہیں آیا۔عمران خان نے کہا کہ جاویدمیاںداد آخری گیند تک جیت کے لیے لڑتے تھے۔

امریکی حملے میں داعش کے وزیرمالیات ہلاک

عراق میں امریکا کے فضائی حملے میں داعش کے وزیر مالیات سمیت تین اہم کمانڈر ہلاک ہو گئے۔ رمادی شہر سے داعش کا قبضہ چھڑانے کے لیے عراقی فوج کی پیش قدمی جاری ہے۔امریکی فوج کے ترجمان کرنل ،Steve Warren، نے عراق کے دارالحکومت بغداد سے ویڈیو کانفرنس کے ذریعے بتایا کہ گزشتہ ماہ اتحادی فوج کے ایک فضائی حملے میں داعش کے وزیر مالیات ابو صالح اور اس کے دو معاونین ہلاک ہو گئے۔معاونین کے نام ابو مریم اور ابو وقام ال تیونس ہیں۔ یہ دونوں دہشت گرد داعش کے بھتہ خور نیٹ ورک کے مرکزی رہنما تھے اور تنظیم کے لیے رقم جمع کرتے تھے۔ ترجمان کے مطابق ان تینوں رہنماوں کی ہلاکت سے داعش کا مالیاتی انفراسٹرکچر تباہ ہو گیا۔ادھر عراق میں داعش کے خلاف اتحادی فوج کے فضائی حملے جاری ہیں۔ اٹلی کے ایک جریدے نے اطالوی فضائیہ کی عراق میں ڈرون حملوں کی ویڈیو جاری کردی۔ جس میں داعش کے ٹھکانوں اور اسلحہ لے جانے والی گاڑیوں کو نشانہ بناتے ہوئے دکھایا گیا ہے۔ میگزین کے مطابق یہ حملے پانچ سے آٹھ اکتوبر کے درمیان کیے گئے۔ا±دھر عراق کے شہر رمادی سے داعش کا قبضہ چھڑانے کے لیے عراقی فوج کی پیش قدمی جاری ہے۔ عراقی سکیورٹی فورسز نے شہر کے اہم علاقے التمیم کے بعد صوبہ انبار کے آپریشز کمانڈ ہیڈ کوارٹرز کا دوبارہ کنٹرول حاصل کر لیا ہے۔

افغانستان میں غیر ملکی خاتون کا خودکش حملہ،5افرادہلاک

افغانستان کے مشرقی صوبہ ننگرہار میں غیر ملکی خاتون کے خودکش حملے میں افغان انٹیلی جنس کے اہلکار سمیت 4 افراد ہلاک ہوگئے۔جمعہ کو افغان میڈیا کے مطابق حکام کا کہنا ہے کہ واقعہ جلال آباد شہر میں پیش آیا جہاں ایک غیر ملکی خاتون خودکش بمبار نے خود کو دھماکہ خیز مواد سے اڑا لیا۔صوبائی گورنر کے ترجمان نے تصدیق کی ہے کہ دھماکے کے نتیجے میں 3 بچے اور ایک انٹیلی جنس اہلکار ہلاک ہوگیا۔خاتون بمبار کی شناخت نہیں ہوسکی تاہم صوبائی گورنر کے ترجمان کاکہنا تھاکہ واقعہ اس وقت پیش آیا جب انٹیلی جنس اہلکار داروناتا کے علاقے میں غیر ملکی دہشتگردوں کی تلاش میں سرچ آپریشن کررہے تھے۔ننگرہار مشرقی افغانستان کا شورش زدہ صوبہ ہے جہاں بڑی تعداد میں عسکریت پسند گروپ سرگرم ہیں۔

امریکہ میں تاریخ کے سب سے بڑے فراڈکا انکشاف

دنیا بھر کے افراد نے وہ منظر یقینا دیکھا ہوگا جب چاند پر بھیجے گئے امریکی مشن اپالو 11 میں شامل نیل ارمسٹرانگ نے اس سیارے پر پہلا قدم رکھا تھا۔ برسوں گزر جانے کے بعد بھی اس مشن پر سوالیہ نشانات ہیں کہ کوئی انسان کبھی چاند پر گیا ہی نہیں تھا۔ اب پتا چلا ہے کہ یہ سب کچھ جعلی تھا جو ہالی ووڈ کے ایک سٹوڈیو میں تیار کیا گیا تھا۔غیر ملکی خبر رساں ادارے کی رپورٹ کے مطابق حال ہی میں ایک خفیہ ویڈیو ریلیز کی گئی ہے جس میں ہالی ووڈ کے انجہانی ہدایتکار سٹینلے کبرک نے تسلیم کیا ہے کہ 1969ئ میں چاند پر کوئی مشن نہیں گیا تھا بلکہ انہوں نے اس کی فلم بندی کی تھی۔ ہالی ووڈ کے ہدایتکار کی اس خفیہ ویڈیو کو 15 سال قبل فلم بند کیا گیا تھا۔ ان کی ویڈیو بنانے والے رپورٹر نے ان سے وعدہ کیا تھا کہ وہ اس ویڈیو کو ان کی وفات کے 15 سال بعد افشائ کرے گا۔ اس کے چند ہی دن بعد سٹینلے کبرک کا انتقال ہو گیا تھا۔ اس خفیہ ویڈیو میں انہوں نے تسلیم کیا کہ چاند کی تسخیر پر اٹھائے جانے والے تمام سوالات درست ہیں۔ یہ سب کچھ امریکی خلائی ادارے ناسا اور امریکی حکومت کی ایمائ پر کیا گیا تھا۔ اس وقت کے امریکی صدر جان ایف کینیڈی کو اس تمام معاملے کا علم تھا۔سٹینلے کبرک کا کہنا تھا کہ وہ امریکی عوام سے معذرت خواہ ہیں کیونکہ انہوں نے ان سے دھوکہ دہی کی ہے۔ میں تسلیم کرتا ہوں کہ میں نے امریکی حکومت اور ناسا کے کہنے پر مصنوعی چاند پر فلم بندی کی تھی۔ میں اس فراڈ پر امریکی عوام کے سامنے شرمسار ہوں۔

شمالی کوریا نے ہائیڈروجن ایٹم بم بنالینے کا دعویٰ کر دیا

شمالی کوریا نے ہائیڈروجن ایٹم بنالینے کا دعویٰ کرکہ ایک بار پھر دنیا میں ایک نئی بحث کا آغاز کردیا غیر ملکی میڈیا کے مطابق شمالی کوریا کے رہنما کم جانگ ان نے دعویٰ کیا ہے کہ ملک نے جوہری صلاحیت حاصل کرلی ہے جس کے بعد ملکی دفاع کو ناقابل تسخیر بنالیا گیا ہے کم جانگ ان نے کہا ہے کہ جوہری ہتھیاروں سے نہ صرف ملک کے وقار میں اضافہ ہوا ہے بلکہ ہم خود کو ایک عظیم ایٹمی طاقت کے طور پر منظم کریں گے اور ساتھ ہی اپنی فوجی طاقت میں اضافہ کرتے رہیں گے تاہم اس بات کی تصدیق نہیں کی گئی کہ حقیققت میں شمالی کوریا نے ہائیڈروجن بم تیار کیا ہے یا نہیں ؟

یو رپی ملک نے وہ کر دکھا یا جو کو ئی مسلما ن ملک نہ کر سکا

کینیڈین وزیر اعظم نے آتے ہی اپنی عوام سمیت سب کے دل جیت لیے ہیں لیکن گذشتہ روز کینیڈین وزیر اعظم نے شامی مہاجرین کا بذاتٍ خود استقبال کر کے اپنی مقبولیت میں مزید اضافہ کر لیا ہے جس پر انہیں سراہا بھی جا رہا ہے . تفصیلات کے مطابق 163 شامی پناہ گزینوں کو لے کر ایک طیارہ گذشتہ روز کینیڈا کے شہر ٹورنٹو پہنچا جہاں کینڈین وزیر اعظم جسٹن ٹروڈیو شامی پناہ گزینوں کے استقبال اور انہیں خوش ا?مدید کہنے کے لیے پہلے ہی سے موجود تھے . کینڈین وزیر اعظم کے اس اقدام کو خاصا سراہا گیا . کینیڈین وزیر اعظم کی شامی پناہ گزینوں کے استقبال کی تصاویر بھی سوشل میڈیا پر مقبول ہو گئی ہیں. کینیڈا کی حکومت نے 10ہزار مہاجرین کو پناہ دینے کا ہدف مقرر کر رکھا ہے.

امریکہ کا شام پر سنگین الزام

امریکی محکمہ خزانہ کے ایک اعلیٰ عہدے دارایڈم زوبین نے سنگین الزام لگایاہے کہ داعش نے تیل کی تجارت سے پچاس کروڑ ڈالرز سے زیادہ دولت کما لی ہے۔اس تیل کی نمایاں مقدار شامی صدر بشارالاسد کی حکومت کو فروخت کی گئی تھی جبکہ کچھ مقدار ترکی کی جانب گئی تھی،غیرملکی خبررساں ادارے کے مطابق ایک بیان میں محکمہ خزانہ کے عہدے دار ایڈم زوبین نے پہلی مرتبہ داعش کے تیل کے کاروبار سے متعلق تفصیل جاری کرتے ہوئے بتایاکہ داعش کے جنگجو شام میں تیل کی تنصیبات پر ہرماہ چارکروڑ ڈالرز مالیت کا تیل فروخت کررہے ہیںیہ تیل پھر ٹرکوں کے ذریعے شام کے خانہ جنگی کا شکار دوسرے علاقوں کی جانب لے جایا جاتا ہے اور بعض اوقات اس سے بھی آگے سرحد پار پہنچا دیا جاتا ہے،انھوں نے کہا کہ داعش تیل کی بہت بڑی مقدار کو بشارالاسد کی حکومت ہی کو فروخت کر رہے ہیں،انھوں نے کہا کہ یہ دونوں یعنی داعش اور اسد حکومت ایک دوسرے کے گلے کاٹ رہے ہیں لیکن اس کے باوجود وہ ایک دوسرے سے تیل کا کروڑوں ڈالرز کا لین دین بھی کررہے ہیں،ان کا کہنا تھا کہ داعش کے زیر قبضہ علاقوں سے تیل کی بڑی مقدار بشارالاسد کی حکومت کے کنٹرول والے علاقوں میں پہنچتی ہے۔کچھ مقدار داعش کے کنٹرول والے علاقوں ہی میں استعمال ہوتی ہے،تیل کا پیداوار کا کچھ حصہ کرد علاقوں اور کچھ سرحد پار ترکی پہنچادیا جاتا ہے،زوبین کا کہنا تھا کہ یہ واضح نہیں کہ داعش کو تیل کی تجارت سے حاصل ہونے والے ماہانہ چار کروڑ ڈالرز ہی بڑھتے چلے جارہے ہیں۔البتہ انھوں نے اپنے ریمارکس میں کہا کہ داعش نے تیل کی تجارت سے پچاس کروڑ ڈالرز سے زیادہ رقم اکٹھی کر لی ہے لیکن انھوں نے یہ نہیں بتایا ہے کہ یہ رقم کتنے عرصے میں اکٹھی کی گئی ہے۔

Google Analytics Alternative