آپریشنل وجوہات ، لاہور سے ریاض کیلئے پی آئی اے کی 2 پروازیں منسوخ

لاہور سے سعودی عرب کے دارالحکومت ریاض کے لیے پی آئی اے کی 2 پروازیں منسوخ ہو گئیں۔لاہور سے ریاض کی پروازیں پی کے 725 اور 726 آپریشنل وجوہات کی بنا پر منسوخ کی گئی ہیں۔دوسری جانب استنبول سے کراچی کی 2 پروازیں ایک سے سوا گھنٹہ تاخیر کا شکار ہیں۔کراچی سے دبئی کی پی آئی اے کی پرواز پی کے 213 دو گھنٹے سے زائد کی تاخیر شکار ہو گئی ہے۔لاہور سے جدہ اور دبئی کی پروازوں کی آمد و روانگی میں بھی ایک گھنٹے سے زائد تاخیر ہوئی ہے۔