امارات ائیرلائن کورونا میں مبتلا مسافر کو کراچی لے آئی

امارات ائیرلائن نے کورونا وائرس سے متاثرہ مسافر کو دبئی سے کراچی پہنچا دیا۔ ائیرپورٹ ذرائع کے مطابق امارات ائیرلائن کورونا پازیٹو مسافر کو پرواز میں بٹھا کر کراچی لائی ہے۔

ذرائع کا بتانا ہےکہ مسافر دبئی میں بھی کورونا پازیٹو تھا اور جب مسافر کا کراچی میں کورونا ٹیسٹ کیا گیا تو وہ بھی پازیٹو آیا ہے، کورونا سے متاثرہ مسافر کو تین روز کے لیے آئسولیشن میں رکھنے کے لیے اسپتال منتقل کردیا گیا ہے۔

ائیرپورٹ پر موجود محکمہ صحت کے عملے نے واقعہ سے متعلق سول ایوی ایشن اتھارٹی کو رپورٹ کردی ہے۔