امریکی صدر کا اگلے ماہ مشرق وسطی کا دورہ شیڈول

امریکی صدر ڈونلڈ ٹرمپ آئندہ ماہ مشرق وسطی کے تین اہم شراکت دار ممالک سعودی عرب، قطر اور متحدہ عرب امارات کا سرکاری دورہ کریں گے۔وائٹ ہاس کی ترجمان کیرولائن لیویٹ نے دورے کی تاریخوں کا اعلان کیا۔انہوں نے میڈیا بریفنگ کے آغاز پر کیتھولک مسیحی رہنما پاپ فرانسس کے انتقال پر اظہار افسوس کیا اور امریکی پرچم سرنگوں کرنے کا اعلان بھی کیا۔بعدازاں وائٹ ہاس کی ترجمان کیرولائن لیویٹ نے امریکی صدر ٹرمپ کے دورہ مشرق وسطی کے دورے کے بارے میں بتایا۔انہوں نے کہا کہ 13 مئی سے مشرق وسطی کے دورے کا آغاز کریں گے جبکہ دورے کا اختتام 16 مئی کو کریں گے۔توقع ہے کہ امریکی صدر ڈونلڈ ٹرمپ مشرق وسطی میں امن، تجارت اور سیکیورٹی کے امور پر بات چیت کریں گے۔