شدید مومسمی خرابی کے سبب پی آئی اے کی آج 12 پروازیں منسوخ خراب موسم کے باعث آج قومی ایئرلائن پی آئی اے کی 12 پروازیں منسوخ کردی گئیں۔ترجمان پی آئی اے کے مطابق کراچی اور گوادر کے درمیان پی آئی اے کی پروازیں پی کے 503 اور 504 منسوخ کردی گئی ہیں جب کہ کراچی سے سکھر جانے والی پی آئی اے کی پرواز پی کے 536 اور 537 کو بھی منسوخ کردیا گیا ہے۔اس کے علاوہ اسلام آباد گلگت کے لیے 4، اسلام آباد سکردو کے لیے 2 پروازیں جب کہ اسلام آباد سکھر کے لیے شیڈول پروازیں پی کے 631، 632 بھی منسوخ کر دی گئیں۔