شمالی غزہ پر اسرائیل نے بمباری تیز کردی

شمالی غزہ پر اسرائیل نے بمباری تیز کردی اور فلسطینیوں کو آج جنوبی غزہ کی طرف نقل مکانی کیلئے چار گھنٹے کی مہلت کا اعلان کیاگیا ہے۔پہلے بھی محفوظ قرار دیے گئے روٹ پر اسرائیل کئی قافلوں کو نشانہ بناچکا ہے جبکہ رات بھرغزہ کے مختلف علاقوں میں بھی اسرائیلی بمباری جاری رہی ۔المغازی کیمپ میں اسرائیلی بمباری سے معصوم بچوں سمیت 51 فلسطینی شہید ہوگئے ۔سات اکتوبر سے اب تک فلسطینی شہیدا ءکی تعداد نو ہزار 500 ہوگئی ہے جبکہ پچیس ہزار سے زائد افراد زخمی ہیں ۔شہداءمیں خواتین اور بچوں کی بڑی تعداد میں شامل ہے جبکہ کئی افراد کے پورے خاندان بھی جاںبحق ہوئے ہیں ۔دوسری جانب امریکا نے پھر جنگ بند ی کی مخالفت کی ہے امریکہ وزیر خارجہ انٹونی بلنکن نے کہا ہے کہ جنگ بند کرنے سے حماس کو دوبارہ منظم ہونے اور حملے کرنے کا موقع ملا جائیگا۔