علی امین گنڈاپور کے گذشتہ روز قتل ہوئے عزیز سپرد خاک

وزیرِ اعلی خیبر پختون خوا علی امین گنڈاپور کے گزشتہ روز قتل کیے گئے قریبی عزیز کی نمازِ جنازہ ڈی آئی خان کی تحصیل کلاچی میں ادا کر دی گئی۔ثقلین خان گنڈاپور کی تدفین میں عزیز و اقارب، اہلِ علاقہ اور سٹی میئر عمر امین گنڈاپور نے شرکت کی۔ثقلین خان گنڈاپور کو 2 روز قبل نامعلوم افراد نے فائرنگ کر کے قتل کر دیا تھا۔پولیس کے مطابق ثقلین خان گنڈاپور کے قتل کا مقدمہ تھانہ کلاچی میں نامعلوم افراد کے خلاف درج کر لیا گیا ہے۔