لاہور: پی ٹی آئی کے چیئرمین عمران خان اسلام آباد ہائی کورٹ سے رہائی ملنے کے بعد لاہور پہنچ گئے ہیں۔عمران خان اسلام آباد ہائی کورٹ سے روانہ ہوکر لاہور میں اپنی رہائش گاہ زمان پارک پہچ چکے ہیں جہاں پر پی ٹی آئی کارکنان نے ان کی گاڑی کو پہنچتے ہی اپنے حصار میں لے لیا۔زمان پارک اور ٹھوکر نیاز بیگ کے باہر کارکنان کی بڑی تعداد جشن منا رہی ہے۔ کارکنان عمران خان کے استقبال کیلئے موجود ہیں اور آتش بازی جاری ہے جبکہ کارکنان میں عمران خان کی رہائی پر مٹھائیاں بھی تقسیم کی گئیں۔واضح رہے کہ عمران خان کی اسلام آباد ہائی کورٹ سے رہائی کے بعد اسلام آباد انتظامیہ نے عمران خان کے لاہور واپسی کے راستے بلاک کردیے تھے۔ عمران خان نے انتظامیہ کو 15 منٹ کا الٹی میٹم دیا تھا۔کئی گھنٹوں کی تاخیر کے بعد روٹ کلیئر ہوئے اور عمران خان اسلام آباد ہائیکورٹ سے روانہ ہوئے اور قافلے کی صورت میں لاہور پہنچے۔
عمران خان کی زمان پارک واپسی پر کارکنان کا جشن
مارشل لا جیسی صورتحال ہے ملک آرمی چیف چلا رہا ہے، عمران خان