متحدہ عرب امارات کی حکومت نے پاکستانی کرکٹر اعظم خان کو گولڈن ویزے سے نواز دیا

متحدہ عرب امارات کی حکومت نے پاکستانی کرکٹر اعظم خان کو گولڈن ویزے سے نواز دیا۔سماجی رابطے کی ویب سائٹ ٹویٹر پر ا عظم خان نے گولڈن ویزا ملنے کی تصویر شیئر کی ہے۔اعظم خان نے تصویر کے ساتھ پیغام میں لکھا کہ مجھے ایک ایسے ملک سے گولڈن ویزا ملنے پر فخر ہے جسے میں اپنا دوسرا گھر سمجھتا ہوں۔گولڈن ویزا حاصل کرنے والے افراد نیشنل اسپانسر کے بغیر یو اے ای میں تعلیم،کاروبار،اور رہائش اختیار کر سکتے ہیں۔کرکٹر اعظم خان سے قبل فخر عالم،ہمایوں سعید،وسیم اکرم،شعیب ملک،ثانیہ مرزا،جنید خان،اقراء عزیز اور یاسر حسین یو اے ای کی جانب سے گولڈن ویزا حاصل کرچکے ہیں۔