چیمپئنز ٹرافی ہائبرڈ ماڈل کے تحت ہو گی، آئی سی سی اور بورڈ ممبر میں معاہدہ

بھارتی ٹیم چیمپئنز ٹرافی 2025 نیوٹرل وینیو پر کھیلے گی، آئی سی سی اور بورڈ ممبرز کے درمیان معاہدہ طے پا گیا۔غیر ملکی کرکٹ ویب سائٹ کے مطابق چیمپئنز ٹرافی ہائبرڈ ماڈل کے کھیلی جائے گی، بھارتی ٹیم ایونٹ میں اپنے میچز نیوٹرل وینیو پر کھیلے گی، بھارت کے لئے نیوٹرل وینیو کا انتخاب پاکستان کرے گا۔رپورٹ کے مطابق اس ماڈل کے تحت 8 ٹیموں کے ٹورنامنٹ میں صرف بھارت کے میچز پاکستان کے علاوہ کسی دوسرے مقام پر کھیلے جائیں گے۔میڈیا رپورٹس میں بتایا گیا ہے کہ 2027 تک کے تمام آئی سی سی ایونٹس ہائبرڈ ماڈل کے تحت ہی کھیلیں جائیں گے اور اس دوران پاکستان بھی بھارت کا دورہ نہیں کرے گا اور بھارت کی میزبانی میں ہونے والے تمام ایونٹس میں پاکستان کے میچز بھی نیوٹرل وینیو پر کھیلے جائیں گے۔