چین کا امریکا پر وینزویلا کے اندرونی معاملات میں مداخلت کا الزام

چین نے امریکا پر وینزویلا کے اندرونی معاملات میں مداخلت کا الزام لگایا ہے۔ بیجنگ سے خبر ایجنسی کے مطابق وینزویلا سے تیل و گیس خریدنے والے ممالک پر 25 فیصد ٹیرف کے ٹرمپ کے اعلان پر چین نے تنقید کی ہے۔
چینی وزارت خارجہ کے ترجمان کے مطابق امریکا وینزویلا کے اندرونی معاملات میں مداخلت بند کرے۔
چینی وزارت خارجہ کے ترجمان نے کہا کہ امریکا وینزویلا پر عائد غیر قانونی یکطرفہ پابندیوں کو ختم کرے۔
ترجمان نے کہا کہ امریکا وینزویلا سمیت دیگر ممالک میں امن، استحکام اور ترقی کے لیے مثبت اقدامات کرے۔