آئر لینڈ نے پہلی مرتبہ فلسطینی سفیر کی تقرری کی منطوری دیدی

آئرلینڈ نے پہلی مرتبہ فلسطینی سفیر کی تقرری کی منظوری دے دی ہے۔رپورٹس کے مطابق سینئر وزرا نے تصدیق کی کہ جیلان وہبہ عبدالمجید آئرلینڈ میں فلسطین کی سفیر ہوں گی اور وہ اپنے ہیڈ آف مشن کے طور پر موجودہ عہدے سے سبکدوش ہو جائیں گی۔اس سے قبل آئرلینڈ کے دارالحکومت ڈبلن میں فلسطینی مشن کو سفارتخانے کا درجہ دیا گیا تھا۔رواں سال کے شروع میں آئرلینڈ نے فلسطینی ریاست کو باضابطہ طور پر تسلیم کیا تھا۔خبر رساں اداروں کے مطابق آئرلینڈ اور فلسطین کے درمیان رسمی سفارتی تعلقات ستمبر میں قائم ہوئے۔واضح رہے کہ اسپین اور ناروے بھی فلسطینی ریاست کو تسلیم کرچکے ہیں۔