آزادی مارچ کیس ، بانی پی ٹی آئی شیخ رشید ،شاہ محمود قریشی بری

اسلام آباد کی ڈسٹرکٹ اینڈ سیشن عدالت نے آزادی مارچ سے متعلق تھانہ آئی نائن میں درج مقدمے کا فیصلہ سناتے ہوئے تحریک انصاف کے بانی شیخ رشید اور شاہ محمود قریشی کو بری کر دیا۔سول جج ملک عمران نے آزادی مارچ پر درج مقدمات کا محفوظ فیصلہ سنا دیا۔عدالت نے صداقت عباسی اور علی نواز اعوان کو بھی بری کر دیا۔سماعت سے قبل عوامی مسلم لیگ کے سربراہ سابق وفاقی وزیر شیخ رشید احمد اسلام آباد کی ڈسٹرکٹ اینڈ سیشن کورٹ (ضلع کچہری) پہنچ گئے۔واضح رہے کہ آزادی مارچ پر درج مقدمے میں پی ٹی آئی کے بانی شیخ رشید، شاہ محمود قریشی، صداقت عباسی اور دیگر کو نامزد کیا گیا تھا۔