بلوچ طلباءکی عدم بازیابی کیس ، نگران وزیراعظم انوارالحق کاکڑ عدالت طلب

اسلام آباد ہائی کورٹ نے بلوچ طلباءکی عدم بازیابی کیس میں نگراں وزیراعظم انوار الحق کاکڑ کو ذاتی حیثیت میں طلب کرلیا۔اسلام آباد ہائی کورٹ میں بلوچ طلباءکی عدم بازیابی سے متعلق کیس کی سماعت ہوئی، جسٹس محسن اختر کیانی نے کیس کی سماعت کی۔سماعت کے دوران اسسٹنٹ اٹارنی جنرل عثمان گھمن نے استدعا کی کہ اٹارنی جنرل آج دستیاب نہ ہونے کی وجہ سے سماعت ملتوی کی جائے جسے عدالت نے مسترد کر دیا۔سماعت کے دوران ایڈووکیٹ جنرل نے موقف اختیار کیا کہ ہمیں اس کیس میں مزید وقت درکار ہے، جس پر جسٹس محسن اختر کیانی نے کہا کہ میری خوشی ہے کہ میں دونوں ڈی جیز کو نہیں بلا رہا، نگراں وزیراعظم پیر کو خود پیش ہوں۔ صبحا کے 10 بجے.جسٹس محسن اختر کیانی نے ریمارکس دیئے کہ جبری گمشدگیوں کی سزا موت ہونی چاہیے، جبری گمشدگیوں میں ملوث افراد کو دو بار سزائے موت ملنی چاہیے۔بعد ازاں اسلام آباد ہائی کورٹ نے بلوچ طلبائ کی عدم بازیابی کیس میں نگراں وزیراعظم انوار الحق کاکڑ کو پیر کو 10 بجے ذاتی حیثیت میں طلب کرتے ہوئے کیس کی سماعت 19 فروری تک ملتوی کردی۔