بچیوں سے زیادتی کے الزامات لگا کر لاہور کو فساد کا نشانہ بنایا جارہاہے ، عظمیٰ

پنجاب کی وزیر اطلاعات عظمی بخاری کا کہنا ہے کہ لڑکیوں سے زیادتی کے الزامات لگا کر لاہور کو فسادات کا نشانہ بنایا جا رہا ہے۔پنجاب اسمبلی کے اجلاس کے دوران اظہار خیال کرتے ہوئے عظمی بخاری نے کہا کہ یہ لوگ اب لڑکیوں پر زیادتی کا الزام لگا رہے ہیں۔ عظمی بخاری کی تقریر کے دوران اپوزیشن نے شور مچا دیا۔اس دوران رکن اسمبلی کرنل ریٹائرڈ شعیب اور عظمی بخاری کے درمیان تلخ کلامی کا تبادلہ ہوا۔ڈپٹی سپیکر پنجاب اسمبلی نے خبردار کیا کہ اپوزیشن ارکان ایسا نہ کریں۔ پنجاب: طالبات کو مبینہ طور پر ہراساں کیے جانے کے خلاف مختلف شہروں میں طلبہ کا احتجاج عظمی بخاری نے کہا کہ میں بھی ایک بیٹی کی ماں ہوں، برائے مہربانی بچوں پر سیاست نہ کریں، اس باپ سے ملیں جس کی بیٹی کو آپ بدنام کر رہے ہیں۔انہوں نے کہا کہ ہم نے اسپتالوں کا ریکارڈ چیک کیا ہے، والدین کا کہنا تھا کہ بچی سے زیادتی کا کوئی واقعہ نہیں ہوا، دیے گئے نام کی 3 بچیوں کے گھر جا کر اطلاع دی۔