جعلی حکومت نہیں چلنے دیں گے۔ عامر ڈوگر

پی ٹی آئی کی حمایت یافتہ سنی اتحاد کونسل کے رکن عامر ڈوگر کا کہنا ہے کہ جعلی حکومت نہیں چلنے دیں گے۔ عامر ڈوگر نے کہا ہے کہ چوری شدہ مینڈیٹ کی واپسی تک ایوان کے اندر اور باہر احتجاج جاری رہے گا۔ اس کے علاوہ پی ٹی آئی کی حمایت یافتہ سنی اتحاد کونسل کی رکن قومی اسمبلی زرتاج گل نے کہا ہے کہ پی ٹی آئی جیت گئی ہے، اس وقت صرف خانپوری بھری جارہی ہے۔دوسری جانب اسلام آباد میں پارلیمنٹ ہاو¿س میں میڈیا سے گفتگو کرتے ہوئے متحدہ قومی موومنٹ پاکستان کے رہنما فاروق ستار نے کہا ہے کہ اب تک پیپلز پارٹی نے صدارتی انتخاب کے لیے کوئی رابطہ نہیں کیا۔فاروق ستار نے کہا کہ ہم سے رابطہ کریں تو 15 سال کا حساب بھی مانگیں گے۔فاروق ستار نے کہا کہ اگر پیپلز پارٹی بات کرنا چاہتی ہے تو ہمارے دروازے کھلے ہیں۔