راولپنڈی ، بانی پی ٹی آئی بشریٰ بی بی ، علیمہ خان ، علی امین گنڈاپور پر مقدمہ در ج

عمران خان، بشری بی بی، علیمہ خان اور علی امین گنڈاپور پر راولپنڈی کے تھانہ ٹیکسلا میں مقدمہ درج کر لیا گیا۔ مقدمے میں اپوزیشن لیڈر عمر ایوب، سابق صدر عارف علوی، شہریار ریاض، حماد اظہر، اسد قیصر کو بھی نامزد کیا گیا ہے، مقدمے انسدادِ دہشت گردی ایکٹ کے تحت درج کیا گیا ہے۔ایف آئی آر کے مطابق عمران خان نے علیمہ خان کے ذریعے عوام کو 24 نومبر کے احتجاج کا پیغام دیا۔بشری بی بی نے 19 نومبر کے ویڈیو پیغام میں کارکنوں کو اسلام آباد پہنچنے کا کہا۔مقدمے کے متن کے مطابق ملزمان نے پرتشدد احتجاج کر کے شہریوں کی زندگیوں کو خطرے میں ڈالا اور جلا گھیرا کیا۔مقدمے میں شامل ہے کہ ملزمان نے ریاستی اداروں کے خلاف نعرہ لگائے، عوام میں خوف و ہراس پھیلایا۔مقدمے میں دہشت گردی سمیت 13 دفعات شامل ہیں۔