پاکستان قومی کرکٹ ٹیم کے کپتان بابر اعظم کو 23 مارچ کو ستارہ امتیاز سے نوازا جائے گا،جس کا اعلان ایک سال قبل 14 اگست کو کیا گیا تھا۔اس طرح بابر اعظم ستارہ امتیاز حاصل کرنے والے سب سے کم عمرترین پاکستانی کرکٹر بن جائیں گے۔اس سے پہلے شاہد آفریدی، سرفراز احمد، یونس خان ستارہ امتیاز حاصل کرنے والے کرکٹرزمیں شامل ہیں۔
بابر اعظم پہلے ہی پاکستان کے لیے مختلف فارمیٹس میں بیٹنگ کے کئی ریکارڈ اپنے نام کر چکے ہیں اور وہ اس وقت تینوں فارمیٹس کی آئی سی سی رینکنگ میں ٹاپ 5 بیٹسمینوں میں شامل ہیں۔ان کی کپتانی میں پاکستان نے 2021ء میں پہلی بار کسی بھی ورلڈ کپ میں بھارت کو شکست دی جبکہ قومی ٹیم کے کپتان نے پاکستان کو ورلڈ کپ اور 2022 میں ایشیا کپ کے فائنل تک پہنچانے میں کلیدی کردار ادا کیا۔
تبصرے (0)
اپنا تبصرہ لکھیں