صدر ٹرمپ اور صدر پیوٹن اس ہفتے ٹیلیفون پر بات کرسکتے ہیں، اسٹیو وٹکوف

امریکی صدر ڈونلد ٹرمپ کے نمائندے اسٹیو وٹکوف نے کہا کہ صدر ٹرمپ اور روسی صدر ولادیمر پیوٹن اس ہفتے ٹیلیفون پر بات کرسکتے ہیں۔ امریکی میڈیا کو انٹرویو دیتے ہوئے اسٹیو وٹکوف نے کہا گزشتہ ہفتے روسی صدر سے ملاقات مثبت رہی، یوکرین روس اختلافات کم ہوئے ہیں۔ انکا مزید کہنا تھا کہ صدر پیوٹن نے ٹرمپ کے فلسفے سے اتفاق کیا ہے، صدر ٹرمپ روس یوکرین جنگ کا خاتمہ چاہتے ہیں۔ اسٹیو وٹکوف کے مطابق امریکی مذاکراتی ٹیم اس ہفتے یوکرین اور روسی وفود سے ملاقات کرے گی، روس یوکرین جنگ خاتمے میں حقیقی پیشرفت کی امید ہے۔ امریکی میڈیا کے مطابق صدر ٹرمپ کے ایلچی اسٹیووٹکوف نے گزشتہ ہفتے ماسکو میں روسی صدر پیوٹن سے ملاقات کی تھی۔