علی امین گنڈاپور سمیت پی ٹی آئی رہنماں کے ناقابل ضمانت وارنٹ گرفتاری جاری

انسداد دہشتگردی عدالت نے وزیر اعلی خیبر پختونخوا علی امین گنڈا پور سمیت متعدد پی ٹی آئی رہنمائوں کے وارنٹ گرفتاری جاری کر دیئے۔اے ٹی سی لاہور کے ایڈمن جج منظر علی گل نے 5 اکتوبر کو پی ٹی آئی کے لاہور میں احتجاج اور پولیس پر تشدد سے متعلق مقدمے کی سماعت کی۔ پولیس نے موقف اختیار کیا کہ علی امین گنڈا پور سمیت دیگر شامل تفتیش نہیں ہو رہے۔ انسداد دہشتگردی عدالت نے پولیس کی درخواست پر وزیر اعلی خیبر پختونخوا علی امین گنڈاپور، حماد اظہر، سعید سندھو اور شہباز احمد کے وارنٹ گرفتاری جاری کئے۔ واضح رہے کہ لاہور کے تھانہ مستی گیٹ کی پولیس نے علی امین گنڈا پور سمیت دیگر پی ٹی آئی رہنماں کیخلاف مقدمہ درج کر رکھا ہے۔