علی امین گنڈاپور کی کابینہ میں کون کون شامل ہوگا؟ فہرست تیار

پشاور: خیبرپختونخوا کابینہ کے لیے ارکان کے ناموں کی فہرست تیار کرلی گئی۔ذرائع کے مطابق فہرست میں 15 سے زائد نام شامل ہیں جن میں مشتاق غنی، خلیق الرحمان اور عاقب اللہ کے نام شامل ہیں۔ذرائع کا کہنا ہے کہ کابینہ ارکان کی فہرست میں ارشد ایوب، تاج محمد ترند، شکیل خان، فضل شکور خان، پختون یار اور مینا خان کے نام بھی شامل ہیں۔کابینہ کی تشکیل کے لیے یہ فہرست آئندہ چند روز میں بانی پی ٹی آئی عمران خان کو پیش کی جائے گی اور پھر ان کی منظوری کے بعد کابینہ کی تشکیل کی جائے گی۔اس حوالے سے نومنتخب وزیراعلیٰ خیبرپختونخوا علی امین گنڈا پور کا کہنا تھا کہ صوبائی کابینہ کا فیصلہ عمران خان کریں گے، کابینہ کے حوالے سے پیر کو پی ٹی آئی بانی سے ملاقات کریں گے۔