محسن نقوی کا اسلام آباد میں جرائم کی صورتحال پر قومی اسمبلی میں تحریری جواب

وفاقی وزیر داخلہ سینیٹر محسن نقوی نے دارالحکومت اسلام آباد میں جرائم کی صورتحال پر تحریری جواب دے دیا۔قومی اسمبلی میں جمع کرائے گئے جواب میں محسن نقوی نے کہا کہ سال 2023 کے مقابلے میں 2024 میں اسلام آباد میں 11 فیصد کم جرائم ہوئے۔انہوں نے کہا کہ سال 2024 میں 1596 ملزموں پر مشتمل 686 گینگز کو پکڑا گیا، 80 کروڑ 26 لاکھ سے زائد مالیت کی چوری شدہ اشیا برآمد کیں۔وزیر داخلہ نے مزید کہا کہ ڈولفن فورس، موبائل پیٹرولنگ یونٹس اور 15 کے ذریعے شہریوں کو محفوظ بنایا جا رہا ہے۔ان کا کہنا تھا کہ سال 2024 میں 231 سرچ آپریشن کیے گئے، ہوٹل آئی ایپ کے ذریعے 200 ملزمان کو گرفتار کیا گیا۔محسن نقوی نے یہ بھی کہا کہ اسلام آباد میں مختلف لوکیشنز پر 3159 سی سی ٹی وی کیمرہ لگائے گئے، 2024 میں مشتبہ افراد کے خلاف 5000 سی ڈی آرز کا تجزیہ کیا گیا۔