محسن نقوی کا اسلام آباد کے تھانوں کی اپ گریڈیشن کا اعلان

وزیر داخلہ سینیٹر محسن نقوی نے اسلام آباد کے تھانوں کو پنجاب کی طرز پر اپ گریڈ کرنے کا اعلان کردیا۔محسن نقوی نے جی نائن سینٹر میں تھانہ کراچی کمپنی کا دورہ کیا اور تھانے کی حالت دیکھ کر افسوس کا اظہار کیا۔انہوں نے کہا کہ انصاف فراہم کرنے والوں کا یہی حال رہا تو شہریوں کا کیا بنے گا۔وزیر داخلہ نے تھانے میں شہریوں کے مسائل سنے اور ایس ایچ او کو کارروائی کے احکامات دیے اور شہریوں کی درخواستوں پر پیش رفت کا جائزہ بھی لیا۔سینیٹر محسن نقوی نے درخواستوں پر مقررہ مدت میں کارروائی کا حکم دیتے ہوئے اعلان کیا کہ اسلام آباد کے تھانوں کو بھی پنجاب کی طرز پر اپ گریڈ کیا جائے گا۔