وزیراعظم کی طرف سے قابل رشک اقدام

حضرت حمزہ رضی اللہ تعالیٰ عنہ کی کافرہ ہندہ کے ہاتھوں شہادت اورعرصہ دراز کے بعد جنگ خندق کی فتح کے بعد قیدیوں میں جب قاتلہ ہندہ کودربار حضور پاکﷺ میں پیش کیا گیا تھا تو آپ صلی اللہ علیہ والہ وسلم کا چہرہ مبارک غصے سے سرخ ہو گیا اور فرمایا کہ ہندہ مجھے مالک کائنات نے رحمت اللعالمین بنا کر بھیجا ہے اس لیے میں تجھے معاف تو کرتا ہوں مگر زندگی بھر میرے سامنے کبھی نہ آنا کیونکہ تجھے دیکھ کر میرا خون کھول اٹھتا ہے اس وقت پوری دنیا میں موجود بلوچ قبائل اپنے آپ کو حضرت امیر حمزہ رضی اللہ تعالیٰ عنہ کے قبیلہ سے تصور کرتے ہیں۔بیشک ہر مسلمان کا ایمان اس وقت تک مکمل ہو ہی نہیں سکتا جب تک وہ اہل بیت اور سادات کی تکریم کو ایمان کا حصہ نہ بنا لے۔مگربلوچوں کی سادات سے عقیدت عشق اور فرمانبر داری قدرت نے ایک الگ ہی انداز میں عہد نبویﷺ سے تا حال ان کی فطرت میں راسخ کر رکھی ہے،جسکا مظاہرہ را قم5 دہائیوں سے اکثرابنے ابا اجداد سمیت اصلی اور نسلی بلوچوں میں ان کے رویوں کے ذریعے بخوبی دیکھ رہا ہے حتیٰ کہ سادات کی طرف پیٹھ کر کے چلنا بھی بلوچ قوم بہت بڑا گناہ تصور کرتی ہے ۔اس وقت میرے پاک وطن کی لگام زیادہ تر بلوچوں کے ہاتھ میں ہے ۔ گزشتہ روز جب راقم نے توقیر شاہ کے حکومت کی طرف سے محترمہ شاہیرا شاہد کے ذریعے ایڈیشنل سیکرٹری انفارمیشن پاکستان کےلئے جاری کیے گئے احکامات دیکھے تو وزیر اعظم پاکستان انوار الحق کاکڑ کی محبت سادات پر دل عش عش کر اٹھا۔
انگریزی کا ایک فقرہ بخوبی ذہن میں سچ ثابت ہو گیا کہNature cannot be change ۔اس صورتحال پر راقم کا ذہن بھی تفتیش تحقیق اور تصدیق کے بے لگام گھوڑوں کا مسافر ہو گیا تو پتہ چلا کہ توقیر شاہ پہلے بھی پاکستان ٹیلی ویژن کے مینجنگ ڈائریکٹر کے طور پر خدمات سرانجام دے چکے ہیں۔ایک جاننے والے نے بتایا کہ ان کا پاکستان ٹیلی ویژن کی باگ ڈور سنبھالنا سینکڑوں نہیں بلکہ ہزاروں غریب بے آسرا کمزور اور بے وسیلہ اہلکاروں اور انکے بچوں کےلئے حکومت کی طرف سے ایک بہت بڑے انعام سے کم نہیں ہے۔معاشرتی فلاحی رفاہی علاقائی مذہبی تاریخی معلوماتی ملکی اور بین الاقوامی امور پر مشتمل کھیلوں پروگراموں کو پی ٹی وی کی زینت بنا کر ایک بہترین خوبصورت اورباصلاحیت پاکستانی معاشرے کی تکمیل کےلئے ہنگامی اور انقلابی اقدامات اٹھائے تھے جنہیں نظر انداز کرنا شاید انکے مخالفوں کےلئے بھی ممکن نہ ہو۔مزید انکشاف ہوا کہ وہ انتہائی غریب پروری کےساتھ ساتھ عاجزی ان کی طبیعت و مزاج کا خاصا ہے۔جس کا را قم خود بھی اس وجہ سے گواہ ہے کہ جب بھی ٹیلی فونک گفتگو کا ان سے اعزاز حاصل ہوا انتہائی وقار محبت شفقت خلوص عاجزی اورملنسار لہجے کا سامنا کرنا پڑا۔را قم کی رگوں میں بھی بلوچ خون گردش کر رہا ہے ان کی دست بوسی کا بہت اشتیاق اکثر رہتا ہے قدرت شاید کبھی اسباب پیدا فرما د ے۔ شاہ صاحب پی ٹی وی میں باصلاحیت تعلیم یافتہ مضبوط با اعتماد قوت فیصلہ اور قوت ارادی سمیت لہجوں فکروں اور لفظوں پر عبور کے حامل اپنی ذمہ داریوں سے مخلص قابل افراد کے بہت بڑے قدردان بھی ہیں وہ پاکستان ٹیلی ویژن میں ایسے لوگوں کی ضرورت کے مطابق تعداد کے فوری متمنی ہیں ۔وہ پی ٹی وی کو الیکٹرانک دنیا میں ایک منفرد اور بلند ترین مقام پر دیکھنا چاہتے ہیں ۔اس کےلئے انہوں نے پشاور کوئٹہ ملتان لاہور اور دیگر پی ٹی وی اسٹیشنز میں دور جدید کی ضروریات اور معاشرتی سوچ و ذہنی طلب کے مطابق کھیلوں کے فروغ اور پروگراموں کے اجرا کےلئے فنڈز اور سرپرائز وزٹز کے پروگرام ترتیب دینے کے احکامات پہلے ہی فرصت میں دینے کا عندیہ بھی دیا ہے جو انشا اللہ ایک انقلاب برپا کر دیں گے۔انکا ایڈیشنل انفارمیشن سیکرٹری بننا اور پاکستان ٹیلی ویژن کا بطور مینجنگ ڈائریکٹر چارج لینا حکومت وقت کا پاکستانی قوم کی سوچوں اور ذہنی تفریحات کی ضروریات سے واقف ہونے کا بہت بڑا ثبوت ہے۔پاکستان ٹیلی ویژن بہت جلد اپنا کھویا ہوا منفرد مقام حکومتی توجہ سے حاصل کر لے گا۔انوار الحق کاکڑنے شاہ صاحب کو پاکستان ٹیلی ویژن کی کمانڈ دے کر اپنی اعلیٰ بصارت و حب الوطنی کا مظاہرہ کیا ہے۔