وزیر بلدیات بلوچستان سرفراز چاکر ڈومکی انتقال کرگئے

بلوچستان کے وزیر بلدیات سرفراز چاکر ڈومکی انتقال کر گئے۔خاندانی ذرائع کے مطابق سردار سرفراز چاکر ڈومکی 10 روز سے کراچی کے نجی اسپتال میں زیر علاج تھے۔سردار سرفراز ڈومکی پھیپھڑوں اور گردوں کے عارضے میں مبتلا تھے۔خاندانی ذرائع کا کہنا ہے کہ سرفراز چاکر ڈومکی کو ان کے آبائی علاقے لہڑی میں سپرد خاک کیا جائے گا۔صوبائی وزیر سرفراز چاکر ڈومکی پیپلز پارٹی کے ٹکٹ پر پی بی 8 سبی سے رکن بلوچستان اسمبلی منتخب ہوئے۔