وزیر خزانہ نے شرح سود میں کمی کا امکان ظاہر کردیا

وفاقی وزیر خزانہ محمد اورنگ زیب نے شرحِ سود میں کمی کا امکان ظاہر کردیا۔چین میں پاک بزنس فورم سے خطاب کرتے ہوئے انہوں نے کہا کہ مہنگائی کی شرح میں واضح کمی آئی ہے، معاشی اشاریے درست سمت میں گامزن ہیں۔انہوں نے کہا کہ مہنگائی کی مناسبت سے شرحِ سود میں کمی آئے گی جس سے عوام کو ریلیف ملے گا، ہماری توجہ معاشی اور اقتصادی اصلاحات کے ایجنڈے پر ہے۔اس موقع پر پاک بزنس فورم سے خطاب میں وزیر خارجہ اسحاق ڈار کا کہنا تھا کہ پاکستان میں 84 اداروں کی نجکاری پر غور کیا جارہا ہے۔