وفاقی تحقیقاتی ادارے کی عمران خان کیخلاف بڑی کاروائی کا فیصلہ

وفاقی تحقیقاتی ادارے (ایف آئی اے) نے پاکستان تحریک انصاف کے چیئرمین عمران خان کے خلاف مقدمہ درج کرلیا۔
ایف آئی اے کے مطابق عمران خان کے خلاف مقدمہ ممنوعہ فنڈنگ کے حوالے سے درج کیا گیا۔چیئرمین پی ٹی آئی پر مقدمہ ایف آئی اے کے کارپوریٹ بینکنگ سرکل نے درج کیا ہے۔
فارن فنڈنگ میں عمران خان، سردار اظہر طارق، سیف اللہ نیازی کے خلاف مقدمہ درج،سید یونس، عامر کیانی، طارق شیخ، طارق شفیع بھی مقدمہ میں شامل۔
ایف آئی آر کےمتن کے مطابق تحریک انصاف کا نجی بینک میں اکاونٹ تھا، ملزمان نجی بینک اکاونٹ کے بینفشری ہیں، نجی بینک کے مینجر کے خلاف بھی مقدمہ درج کرلیا گیا ،نیا پاکستان کے نام پر بینک اکاونٹ بنایا گیا ،بینک مینجر نےغیر قانونی بینک اکاونٹ آپریٹ کرنے کی اجازت دی ،بینک اکاونٹ میں ابراج گروپ آف کمپنی سے21 لاکھ ڈالرآئے۔ ایف آئی آر کے متن کے مطابق ابراج گروپ نے پی ٹی آئی کے اکاؤنٹ میں پیسے بھیجے، یہ پیسے ایک بینک کی جناح ایونیو برانچ میں بھیجے گئے۔ایف آئی آر کے متن کے مطابق تحریک انصاف نے عارف نقوی کا بیان حلفی الیکشن کمیشن میں جمع کرایا ہے جو جعلی اور جھوٹا ہے۔
ایف آئی آر کے متن میں کہا گیا ہے کہ تحریک انصاف نے عارف نقوی کا بیان حلفی الیکشن کمیشن میں جمع کرایا تاہم عارف نقوی کا الیکشن کمیشن میں جمع کرایا گیابیان حلفی جھوٹا اورجعلی ہے۔
ایف آئی آر میں کہا گیا کہ ووٹن کرکٹ کلب سے 2 مزید اکاؤنٹ سے رقم وصول ہوئی، نجی بینک کے سربراہ نے مشتبہ غیر قانونی تفصیلات میں مدد کی۔ایف آئی آر کے مطابق ملزمان نے فارن ایکسچینج ایکٹ کی خلاف ورزی کی، یہ نجی بینک اکاؤنٹ کے بینیفشری ہیں۔
مقدمہ ایف آئی اے بینکنگ سرکل تھانے میں درج کیا گیا اور مقدمہ ایف آئی اے کے کارپوریٹ بینکنگ سرکل نے درج کیا۔
ایف آئی آر میں کہا گیا ہے کہ ملزمان نے فارن ایکسچینج ایکٹ کی خلاف ورزی کی، ملزمان نجی بینک اکاؤنٹ کے بینفشری ہیں۔
تحریک انصاف کے سیف اللہ نیازی بھی ایف آئی آر میں نامزد ہیں۔