اسلام آباد:ہاؤس ہولڈ اکنامک سروے جاری کر دیا گیا جس کے مطابق گزشتہ پانچ برسوں میں اوسطا آمدنی میں 97 فیصد اضافہ ریکارڈ کیا گیا۔ادارہ شماریات کے مطابق 2019 سے 2025 تک گھریلو اخراجات میں 113 فیصد اضافہ ریکارڈ کیا گیا، ملک میں اوسطا ماہانہ آمدن 82 ہزار اور اخراجات 79 ہزار روپے ہیں، اخراجات میں سب سے زیادہ فرنشنگ، گھریلو آلات، ہیلتھ، فوڈز، گڈز اینڈ سروسز پر ریکارڈ ہوئے ہیں۔
سروے میں بتایا گیا کہ بڑھتی ہوئی آبادی کے باعث ذاتی ملکیتی گھروں کی شرح میں کمی ریکارڈ کی گئی، 2018-19 کے سروے کے مطابق 84 فیصد لوگوں کے پاس اپنے گھر تھے، 2024-25 کے سروے کے مطابق 82 فیصد لوگوں کے پاس اپنے گھر ہیں۔
ہاؤس ہولڈ سروے میں بتایا گیا کہ کرائے کے گھروں میں رہنے والوں کی تعداد 10 فیصد سے بڑھ کر 10.5 فیصد ریکارڈ کی گئی ہے، انفارمیشن اینڈ کمیونیکیشن ٹیکنالوجی میں 40 فیصد لوگ کاپی پیسٹ کرتے ہیں، ملک بھر میں کلین فیول کے استعمال میں اضافہ ریکارڈ ہوا ہے۔
ادارہ شماریات کے مطابق پانچ برسوں میں کلین فیول کا استعمال 35 فیصد سے بڑھ کر 38 فیصد ہو گیا ہے، کلین فیول میں نیچرل گیس، ایل پی جی، بائیو گیس، سولر انرجی کا استعمال لائٹننگ اور کوکنگ شامل ہے، ہینڈ پمپ سے پانی استعمال کرنے والوں کی شرح 24 فیصد سے کم ہو کر 22 فیصد ہو گئی۔
سروے کے نتائج میں آیا ہے کہ ٹیب سے پانی استعمال کرنے والوں کی شرح 18 فیصد سے بڑھ کر 22 فیصد ہو چکی ہے، اسی طرح فلٹر کا پانی استعمال کرنے والوں کی شرح 9 فیصد سے بڑھ کر 10 فیصد تک پہنچی ہے، 7 فیصد آبادی ابھی تک لیٹرین جیسی بنیادی سہولت سے محروم ہے۔ہاؤس ہولڈ اکنامک سروے کے مطابق ڈیجیٹل پلیٹ فارم کے ذریعے آمدن میں ٹک ٹاک سے سب سے زیادہ استعمال کی جارہی ہے، ڈیجیٹل پلیٹ فارم کو استعمال کرنے والے 88 فیصد لوگ ٹک ٹاک استعمال کرتے ہیں، یوٹیوب چینل پر وی لاگ کرنے والے 86 فیصد لوگ ریکارڈ ہوئے ہیں۔