پاک افغان سرحدی علاقوں میں شدید برفباری ،شہریوں کو مشکلات کا سامنا

پاک افغان سرحدی علاقوں میں شدید برف باری ہوئی۔شمالی بالائی بلوچستان برفانی طوفان کی لپیٹ میں آگیا۔گزشتہ روز سے مسلسل برف باری کے باعث کئی اضلاع میں مواصلاتی راستے بند ہیں۔بارش لانے والے طاقتور مغربی سسٹم نے بلوچستان بھر میں شدت اختیار کر لی، جمعرات کی شام شروع ہونے والی موسلا دھار بارش بغیر کسی وقفے کے جاری رہی۔افغانستان اور ایران کے ساتھ بلوچستان کے سرحدی علاقوں میں موسلادھار بارش کے باعث پاکستان اور افغانستان کے سرحدی علاقوں میں سیلابی صورتحال پیدا ہوگئی ہے۔اس کے علاوہ کوزک ٹاپ، شیلا باغ، ٹوبہ اچکزئی، ٹوبہ کاکڑی، زیارت، کان مہترزئی، کنجوگی اور پاک افغان بالائی سرحدی علاقوں میں برفباری ہوئی۔