گجرات ، سلنڈر دھماکے میں زخمی لڑکی دم توڑ گئی

گجرات کے محلے نور پور پڑھے میں سلنڈر دھماکے میں زخمی ہونے والی لڑکی دم توڑ گئی۔ریسکیو حکام کے مطابق گزشتہ روز سلنڈر دھماکے میں لڑکی کی ماں بھی جاں بحق ہوئی تھی۔حکام کا کہنا ہے کہ سلنڈر دھماکے میں زخمی ہونے والے بچوں سمیت 5 افراد اسپتال میں زیرِ علاج ہیں۔ریسکیو حکام نے بتایا ہے کہ دھماکا گزشتہ رات کھانا پکاتے ہوئے سلنڈر لیک ہونے سے ہوا تھا۔