گورنرکے پی غلام علی کیخلاف توہین عدالت کی درخواست دائر کر دی گئی

سپریم کورٹ کے احکامات کے باوجود کے پی میں انتخابات کی تاریخ نا دینے پر اسپیکر کے پی اسمبلی مشتاق غنی نے گورنر غلام علی کے خلاف توہین عدالت کی درخواست دائر کر دی۔درخواست میں گورنر کے پی اور الیکشن کمیشن کو فریق بنایا گیا ہے۔درخواست میں یہ موقف اختیارکیاگیا ہے کہ سپریم کورٹ نے گورنر کے پی کو صوبے میں انتخابات کی تاریخ دینے کا حکم دیا لیکن گورنر کے پی غلام علی نے الیکشن کمیشن کے متعدد خطوط کے جواب میں بھی انتخابات کی تاریخ نہیں دی لہٰذا سپریم کورٹ اپنے فیصلے پر عملدرآمد کا حکم دے اور گورنر کے پی کے خلاف توہین عدالت کی کارروائی فوری طور پر شروع کرے.درخواستگزار مشتاق غنی کا کہنا تھا کہ گورنر نے اعلیٰ آئینی عہدیدار ہونے کے باوجود سپریم کورٹ کے حکم اور آئین کی خلاف ورزی کی ہے ، آئین کی خلاف ورزی پر فوری عہدے سے ہٹا دینا چاہیے۔اسپیکر مشتاق غنی کی جانب سے استدعا کی گئی کہ سپریم کورٹ گورنر کے تاریخ نا دینے کی صورت میں صدر مملکت کو انتخابات کی تاریخ دینے کا حکم دے۔گورنرغلام علی کے خلاف توہین عدالت کی درخواست ایڈوکیٹ شمائل بٹ کی وساطت سے دائر کی گئی ہے۔